أنا شخص أسوأ من ما تظننون !

ما ذا إن أحد ما رسم صورة جميلة لاتشوبها اي شائبة عن نفسه ..
ما ذا إن تقنع بقناع الفاضل ، والذي يرفل في رقي واحترام لا مثيل له ..ماذا إن صدق الجميع كل هذا ..
وأنت وحدك تعرف انه مجرد اكذوبة اخترت أن تصدقها ..
ماذا إن بدأ احدهم يقتبس أحد أقواله السخيفة التي يتصعنها وأنت تشمئز عندما يذكر اسمه..
لعلمك التام بانه كاذب في أفعاله وبالتالي فهو كاذب في أقواله ..

/

وقفت هنا !! وما عرفت اكمل ، مو أني اكتب نص ادبي  ، لا لا لا أنا اسخف من اني اكتب نص منمق يليق فيكم..
بس لأان الكلام عن هالناس يضيع .. لمن كان فيه حدس قوي بقلبك يقولك ان هالشخص عبارة عن هالة كونها لنفسه
وبدا يعرف من أين تؤكل الكتف ، وبدا ينمق في نفسه ويلمع حقيقته النتنة ..وصار يعرف كيف ينتقي أجمل الكلام
عشان يسحر فيه الناس ويطلع بأحسن صورة ممكن يتصورها العقل ..
ولمن جا اليوم اللي شفت فيه حدسك صااادق تماماً ، مافرحت أبدا بصدق احساسي
بس زعلت وزعلت كثييير لاني مره ثانية اثبت لنفسي اني غبية واخترت اصدق الكذبة الواضحة
ومره ثانية وعاشرة صرت غبية وسكت ..وما حذرت اللي اقدر وما حذرت نفسي حتى ..
تعرف لمن احد ما يمثل لك الفضيلة وتلاقي بمكان ثاني شي عبارة عن ” الرذيلة ” ؟
تعرف وشو هالشعور ؟ تعرف ان هالشعور يفقدك ثقتك بكل اللي حولك ..
يمكن يفقدك ثقتك بنفسك .. وبسلك الأي بود وبعلبة البيبسي و بأزرار الكيبورد وبستارة غرفتك والخ الخ ..
سبحان الله اتسائل دائمن ، كيف يقدرون يضبطون انفسهم ويظهرون بمظهر راااائع ..

انا ما اقدر ، انا احس ان الجوانب السيئة في شخصيتي طالعة اكثر من الحسنة !
أحس اني ما اقدر اكون غير انا .. ولو بصير غير انا وبتصنع شي  ،يحاربني شعور بشكل قوي يخليني اتراجع بلحظة عن كل اللي كنت بقوله ،
وكل هالشي يصير بأقل من لحظة .. وعلى التفكير بس انك فكرت تكون شخص مثالي تعيش لحظات تعيسة بأنو كيف انا فكرت اكون غيري ؟
كيف فكرت اصير مو أنا … وأخدع اللي متصورين انو هذي ” انا “

كيف الأشخاص السيئين صاروا كويسين والكل يطبل لهم ؟
ههههههههه واللي يضحك لمن كان فيه اشخاص بيوم كانوا يشمئزون من الشخص اياه ويتكلمون عنه بالسوء
وفجأة تلاقيهم ملتفين حوله ولابسين ذات القناع ..
وش اللي يتصدق الحين ؟
اللي عرفته ان الاقنعة رخييييصة رخييييصة تنباع بأي مكان وتطيح وتتكسر بأي لحظة ..
واللي عرفته ان الثقة لمن تروح يروح معاها كل شي ، ما تبقي ولا شييي ولاا شيييييي !!

/

على فكرة : تصوروا اني شخص جدددددا سيء وبشع وكل شي ، مابي يجي يوم واشوف إني لابسة قناع من اللي لبسوه
ولا أبي يجي يوم اصدم أحد فيني .. يارب ما اشوف هاليوم يااارب !!