إيش اللي راح ترميه ؟

قبل أيام شفت هذا الفلم ^ : The Last ًWord . لمن بديت أشوفه ومشيت 10 دقايق بالفلم ماحسيت إنه بيعجبني مره.. بس لمن أنتهى الفلم حبيته كثير.. و لأسباب عديدة. القصة كانت جميلة وخفيفة والأهم ما كنت قصة الحب هي الشيء الرئيسي فيها .. والأهم برضو إنو مو من نوع الأفلام اللي تعرف نهايتها :/ وتحس انها سخيفة لأنه ببساطة دايم يخلون النهايات سعيدة جدا في مثل هالأفلام .. والحقيقة و الواقع ان النهايات مو دائمن تكون سعيدة . ماعلينا .. كان الفلم يتكلم عن شاعر وكاتب يكتب قصائد او رسائل مناسبات مثل انتحار شخص :] ، عيد ميلاك وغيره .. في البداية كان شخص مغمور لكنه قابل رجل في محطة القطار وطلب منه يكتب له قصيدة لعيد ميلاده . وبعدها الشخص هذا انتحر في نفس اليوم . فصارت القصيدة كأنها رسالة انتحار. ولمن كتبوا الصحف عن الحادثة اشتهر وصارت الناس تتعامل معاه في مثل هالأمور .. صار يشارك الناس في كتابة كلماتهم الاخيرة وأمنياتهم الكبيرة. أحد عملائه كان عنده رغبة نتيجة الضغوطات اللي يتعيش تحتها، كان يقول :

I would buy a cliff where people could come and throw shit off, you know, like fax machines or computers or whatever, things that piss them off ’cause they didn’t work right, like an outlet for machine rage. And the whole thing would be videotaped in slow motion so they could watch their heap of shit break into a million pieces back at home. Plus, for an extra couple bucks, I would attach an explosive so it would blow up on impact, just like they do in the movies, a big fireball.

معنى الكلام اللي قاله : إنو نفسه بحاجة زي المنحدر عشان اقدر ارمي فيها كل الأشياء اللي أغضبتني وضايقتني أو سببت لي ضغط. الأشياء المادية الملموسة مثل الاجهزة والفاكسات والحاجات اللي نتعامل معاها يوميا ونطفش منها وتسبب لنا ضغط، الأشياء اللي تعلق علينا واللي تخرب وقت الحاجة . الطابعة لمن بعز حاجتك لها تخرب او تكتشف ان الحبر ناشف ! هالأشياء تستحق ترمى من أعلى المنحدر لنهايته.. وكل العملية من ترفع يدك بأقصى قوتك وطاقتك -اللي ياما أضعفتها هالآلات- عشان ترمي الآلة لحد ماتطيح كلها كلها بتكون مصورة فيديوبالحركة البطيئة . ويعد بيركب فيها متفجرات بحيث اذارماها صاحبها يضغط زر وتنفجر وهي في الهوا وتحترق ! ولمن يرجع صاحبها البيت ياخذ الفيديو ويشوفها بالحركة البطيئة..يشوف كيف تخلص من ضغطه ، وكيف حرق السترتس اللي يحس فيه.. كيف نفس عن نفسه وتخلص من الأشياء اللي تنغص له عيشته وتخرب له مزاجه ..

فكرة عظيمة صح ؟ شخصيا أتمنى أتمنى يكون عندي مثل هالفرصة . وأول ما خلص الموفي قلت : i wanna have a cliff too so i can throw the things that piss me off. عنّي لو حظيت بمثل هالفرصة باخذ لاب توبي + طابعتي وبرميهم كلهم في هالمنحدر وبحط فيهم تفجير .. بتخلص من هالجهاز اللي يااامااا انقرفت واناا اشتغل فيه سهرانه وبدون نوم لأكثر من 24 ساعة عشان بروجكت في الجامعة .. بحرقه عشان ينحرق السترس اللي حسيته وانا اشتغل وانا اكتب كود ! وانا اكتب ريبورت .. بحرق كل شيء قرفني لمن القروب يكون سيء ويتهرب من الشغل ويطيح كل الشغل علي .. بحرقه وبتنحرق معاه كل إيميلاتي وبيروح كل ضغط مشروع التخرج وقرفه ! باخذ الطابعة اللي لازم كل شوي تتحفني وتفاجئني انها ماتطبع ولمن اروح لطابعة اختي اجي وبعد ربع ساعة الاقيها بدت تطبع!! يعني ما اكتفت بنرفزتي مره ! لا نرفزتني مرتين .. باخذ كتاب الـ computer Networks وبرميه بلحاله عشان ينفجر صدق ! ويحرم يكون بغيض وثقيل دم ! باخذ معاي برضو تلفون البيت بفجره اول واحد .. أكرهه لدرجة محد يتصورها وكل ما افصله أمي ترجع تشبكه .. خلاص enough من الناس اللي تدق كل يوم مره كفاية مابي اسمع صوت الـ رنننننننننننننننن . ينرفزني  مدري ليه ! و وراه على طول فلاشات الميموري حقت الجامعة ! و وراهم لعبة لـ لينا صوتها يسبب لي ضغط وإزعاج فظيع.. وبعدين باخذ التلفزيون وبرميه عشان جود تبطل تشوف براعم لمدة وعشان اتخلص من سترس طيور الجنة وازعاج اناشيدهم اللي كل مانزلت اسمعها ( مع انها ما عاد تطلع عندنا الحين فكة :] بس انتقاما للضغوطات السابقة :] . باخذ الفرن وبرميه لانو كل ما سويت كيك طلع فاشل :] .

خبروني إنتم لو حصلت لكم الفرصة  إيش اللي بترمونه وبتتخلصون من ضغوطاته ؟