العيد أحلى بالهدايا ;)

* محد يقدر يقاوم فرحة الأطفال لمن يستلمون هدايا ولو كانت بسيطة للعيد، راح يحسون بالعيد من قلب، ويفرحون بكل إحساسهم ويعيشون العيد بالفرحة المطلوبة
مرات أحس أنهم اخذو الفرح بدالنا .. يعني احنا مانفرح كثرهم .. بملابسهم بانتظارهم للبس العيد ومتى يطل الصبح عشان بس يشوفون انفسهم بملابس جديدة. :h:

من لمن انولدت جود وصارت هدايا العيد باسمها :] ، ما اتخيل كيف هالبنت الصغيرة غيرت حاجات كثيرة في حياتنا، مقدر اتخيل اي شي بدون ما أذكرها فيه.
المهم بكل عيد صرت اعمل هدايا باسمها ونعطيها الصغار ويكفي نشوف فرحتهم ، ويكفي لمن تكبر جود تشوف كيف صنعت فرح ناس كثير بدون ما تدري .. : )

حبيت اعرض هدايا العيد اللي راح ، لانها كانت الأبسط والأقرب لقلبي وقلب الأطفال
بكل عيد كنا نجيب من محلات وكانت الفخامة بالشوكولا والهدية تفقدها البساطة بصراحة
فقررت اسويها بنفسي واضبطها بنفسي ، مهما كان شغل اليد غير مره وبساطة الشوكولا أجمل ..

الهدايا عبارة اغراض متوفرة بكل بيت وتوفيها سهل ومو صعب ومو غالي أبداً..

– أكواب بلاستيكية
– ورق كروشيه ، وفيه ورق راح تشوفونه بالصور ما اعرف شسمه لكنه متوفر بالمكتبات.
– سلك حديدي مغطى بفرو :$ ترا ما ادري شسمه بس موجود في مكتبة الشرق وراح تعرفونه من الصور.
– بخاخات ملونة
– أي أشكال تحبونها للزينه.
– صمغ ومقص.

* بداية نبخ الكاسات من جوا بأي لون نحب ، عشان تكون من جوا مولنة وتكسر لون البياض وخصوصا الأطفال يحبون الملون 😉
بعدين نبدأ نقص من الورق (أي لون) بشكل طولي ونلفه حوالين الكاسة لمن تتغطى كلها
( أنا أحب اغطي اللي فوق قبل بعدين اقض قصة ثانية للي تحت ).
ناخذ السيم ونقصه للطول اللي نبيه ، لأنه راح يكون هو الحامل للكأس فقدروا الطول اللي ترتاحون له ، اهم شي ما يكون صغير مره عشان ينشال بالراحة وما يتعبكم وانتو تحطون الشوكولا فيه، ولا يكون طويل كثير لأانه راح يكون سهل مره انه ينفك ..
بعد قصه نثبت أول طرف منه على الكاسة من فوق ولمن تتثبت مضبوط نلويه ونثبت الطرف الثاني ونتأكد انه تثبت مع الصمغ كويس..
بعدين نزين الكاسة باللي نبي ، إما قلوب او ستكرات او قلترز او اي حاجة .. وانا انصح بمكتبة الشرق أو جرير فيها حاجات مره حلوة وتفتح النفس.
بعد ما ننتهي من التضبيط نعبي الكاسات بالحلويات والألعاب الصغيرة اللي يحبوا الأطفال.

* في الصور أعلاه شكل الأكوب من بداية التزيين لحد اكتماله.
* اضغط على الصور للتكبير 🙂