رحلتي من الشك إلى الإيمان

بسم الله الرحمن الرحيم، السلام عليكم ورحمته وبركاته جميعا <- – فيسي وانا لابسة نظارة واقرأ كتاب وجمبي كوب من القهوة لأحتسيه وأتلقى اتصالات من المثقفين الآخرين :]

لازلت أؤمن بضرورة القراءة في الإيمان و ثبوتية وجود الخالق على الرغم انو ما يساورني اي شك في هالشيء، ولا زلت أقول للي يقولون هذي الكتب فقط للي عنده أفكار إلحادية: المواضيع هذي مهمة للمؤمن ليزيد ايمانه بربه، ويزيد تعظيمه للخالق ، لان الانسان يحتاج يتذكر بين فترة وفترة عظمة الخالق و اتقانه للكون من حولنا. وبنفس الضرورة يحتاج اللي يشك يقراها حتى يرد إلى الصواب و الفطرة.

من فترة كنت ادور كتاب: رحلتي من الشك إلى الإيمان – د.مصطفى محمود. والحمد لله ربي يسر لي وحصلته بجرير مع مجموعة أعمال اخرى له.

بالضبط ! هذي نوعيتي المفضلة من الكتب ، وهذا الاسلوب في الطرح اللي يعجبني. الفكر اللي زي كذا ، واللي يعترف بفترات سابقة بدون أي خجل او تستر ويستخدم أفكاره السابقة الغلط كـ وسيلة دعم لأفكاره الجديدة يخليني بدون أي تردد أصنف هالشخص من المفضلين عندي. وهذا اللي صار بالضبط مع هالكتاب ومع الدكتور. يتكلم الدكتور باختصار عن كيف غره تفتح عقله في البدايات إلى اعتناق افكار مغلوطة عن الخالق و وجوده وكيف استمر يبحث لمدة تزيد عن الثلاثين سنة عن الخالق و الكون والحياة. أسلوبه في طرح البراهين ونقضه للأفكار الخطأ عن الخالق جدا يسحر ! من غير مبالغة كل شوي اقول : سبحان الله – لا إله إلا الله ! انا ما عندي شك بالخالق ولله الحمد. لكن هالكلام يزيد ايماني اكثر. يحثني على التغيير اكثر . الكلام اللي يخاطب عقلي فقط ويوجه عقلي للتعامل مع كل اغلاطي وحسناتي هو اللي يأثر فيني.

الكتاب عبارة عن 8 فصول أو أبواب:
1- الله.
2- الجسد.
3- الروح.
4- العدل الأزلي.
5- لماذا العذاب؟
6- ماذا قالت لي الخلوة؟
7- التوازن العظيم.
8- المسيح الدجال. <- – فيس يناظر عروب

بيظل هالكتاب من الكتب اللي لايمكن أنساها، وراح أرجع لها بعد فترة. وما راح استغني عنه في مكتبتي، واظن مثل هالكتب لازم تكون موجودة في مكتبة كل احد منا. نحتاج هالكتاب وغيره عشان نتجدد ونرجع مره ثانية لله، للحياة الصح. نرجع للإيمان ونتحلل من المادة والحياة القاسية الجافة الصعبة!

اسم الكتاب: رحلتي من الشك إلى الإيمان
الكاتب: د.مصطفى محمود
الناشر: دار أخبار اليوم.
السعر : 10 ريال من مكتبة جرير
عدد الصفحات: 127

اقتباسات أليمة:

المقطع هذا حسيت اني ابي أبكي لمن قريته :”( :

من أكثر الفترات اللي أنجز فيها أو أتغير ، أو أطلع بقرارات جديدة كويسة تكون وانا منعزلة فترة عن كل شيء:

و:

“ إذا خفيت عنا الحكمة في العذاب أحيانا.. فلأننا لا ندرك كل شيء ولا نعرف كل شيء، ولا ندرك من القصة إلا تلك المرحلة المحدودة بين قوسين اسمها الدنيا.. أما ما قبل ذلك ومابعد ذلك فهو بالنسبة لنا غيب محجوب.. ولذا يجب أن نصمت في احترام ولانطلق الأحكام.. “

“ الكيمياء والطبيعة والكهرباء هي العلوم الصغيرة. والدين هو العلم الكبير الذي يشتمل على كل العلوم في باطنه. ولا تعارض بين الدين والعلم ، لأن الدين في ذاته منتهى العلم المشتمل بالضرورة على جميع العلوم. والدين ضروري ومطلوب لأنه هو الذي يرسم للعلوم الصغيرة غاياتها وأهدافها ويضع لها وظائفها السليمة في إطار الحياة المثلى..
الدين هو الذي يقيم الضمير .. والضمير بدوره يختار للطاقة الذرية وظيفة بناءة.. ولا يلقي بها دمارا وموتا على الأبرياء..
وهو الذي يهيب بنا أن نجعل من الكهرباء وسيلة إضاءة لا وسيلة للهلاك. “

—————————————————————————————————————-

أنا أحس استفدت من الكتاب مو لأشياء كنت أجلها، لكنه جدد فيني الإيمان واطمأن قلبي أكثر. وزاد حبي للخالق. وزي ما شاركتكم أشياء كثيرة ابي أشارككم هالشعور. أبي زي ماحسيت تحسون ، وزي ما حسيت بسعادة ابيكم تحسون زيها وأكثر.
من يدري يمكن ربي يرحمنا بشيء نقراه بإخلاص، او بتسبيحة أخلصنا فيها، رحمته واسعة وعدله نافذ. يارب اشملنا برحمتك، اشملني مع اصدقائي في المدونة r5