الآية الخامسة.

السلام عليكم ورحمة الله وبركاته..

من قال انو الطريق سهل؟ وان الدنيا سهلة ؟ وان الحياة بسيطة ؟ هي بسيطة وعادية للي مايعيشها لهدف.. لكنها صعبة جدا للي عنده هدف وعايش عشانه.. من قال انو بالضرورة انو اللي يبي الجنة حياته سهلة؟ المومنين حياتهم تكون اصعب غالبا.. وما يسهلها الا انو لهم رب عظيم.. لكنها تحتاج منهم صبر.. صبر جزاه الجنة العظيمة والملائكة اللي تدخل لهم من كل باب وتحقق كل مايحتاجون بامر هالرب العظيم.. اللي عنده هدف لايتوقع انه بيعييش حياة سهلة ولا يتوقع انه ما بيواجه صعوبات ولا يعتقد انه بالضرورة الامور تمر بسلاسة ! الامور بتتعقد والطرق بتنعطف يمكن ! لكن انت محظوظ انعطفت الطرق و تعقدت الامور عشان يبرز صبرك اللي جزاه الجنة.. لاتزعل لو عملت مشروع همك فيه الله وقابلوك سخرية واحباط.. لاتزعل لو كانت عندك فكرة للتغير للاحسن وما نجحت ! تذكر واصبر!! الحياة صعبة تذكر!! تحتاج صبر!! لاحظ صبر وما ينصبر الا ع الظروف الصعبة جدا!! بتغير ؟ غير.. لكن اصبر! وبتلاقي جزاك دنيا واخره ! تحس بالتعب وانك يمكن واقف على حافة اليأس؟ عادي اصبر! اصبر وتذكر جزاك بالجنة! قد صبرك بالدنيا على هدفك السامي راح تلقى السلام من الملائكة.. تخيل معاي الوضع والملاذكة تسلم عليك وتحييك وتذكرك بصبرك في الدنيا ولسان الحال يقول: تتذكر هذيك الايام اللي كل شي جا عكسك لكنك صبرت .. صبرت على صعوبة الحياة وما يآست ولاتخليت عن مبادئك .. تعبت جدا لكنك صبرت.. تقوم كل صبح وانت مليان بـ همّ التغيير والنهضة.. ادري شي متعب جدا وخصوصا لمن تشوف الاوضاع ماتساعد.. بس معليش !! اصبر لانك بصبرك على الصعوبات بعد رحمة الله لك الجنة والله مايخلف وعده.. حسيت هالاية مو بس عشان الجزاء.. لا٫ عشان نعرف ان الحياة صعبة ولنا عزاء في كل الصعوبات اللي نواجهها.. هالآية تعلمنا ان الحياة والاهداف تحتاج صبر منا لانها صعبة وطرقها شائكة لكنها بالتأكيد تؤدي للجنة.. “حفت الجنة بالمكاره ” اللهم صلي على محمد.

اضغط للتكبير : )

– من قال لك أن درب الجنة معبد بالورود ؟ *احمد خيري العمري