باب ماجاء في الدوخات

اكتشفت اكتشاف خطير ومميت :] ، إنو هالحدث ماوثقته في بلوقي :]
بما ان رمضان قرب حبيت اهديكم هالسالفة الواقعية :]

مره انا وهدى أختي من زمان رايحين الفيصلية في رمضان الظهر، يمكن من سنتين او 3
المهم انا اكره ماعلي اني اروح برمضان الظهر، تصير تقومني وانا ما نمت زين :ang: + ما اكلت شي
وخلقة مع فقر الدم تشتغل الدوخات ، المهم قومتني هذاك اليوم عشان نروح ونخلص بعض الأغراض . حطنا اخوي ودخلنا ..دخلنا السواني وطبع السواني بالنص الميك اب وعلى جمب المحلات. اشتريت انا وياها من اشياء الميك اب .. بس انا ما اخذت الا شي بسييط حاسبت قبلها وقلت بروح لواحد من المحلات فيه تيشرت باخذه قالت طيب وانا بجيك هناك …
انا وانا بالطريق للمحل احس الدنيا صارت بلور معزولة :] يعني صارت فتحة عدسة عيني كبيرة  <– لايكثر :] .. وحسيت ان قواي تنهااار وكل شي بدا يخور فيني
واحس اني اتهاوى وقاعدة اكافح عشان اوصل المحل، وبنفس الوقت احس اني برجع وخلاص بدوخ .. وصلت المحل وانا ما اشوف شي :he .. هجدت شوي ومسكت التيشرت وبحاسب طلعت فلوسي وكل اللي حولي بلووور ❓  المهم خلاص ماعاد قدرت استحمل
دخت ، تخيلوا طحت على خشمممممممممي ، يعني كذا مباشرة وحدة طاحت من الاعلى الى الاسفل ونقطة السقوط على الأنف :no . قمت لقيت واحد يبيع فوقي وحرمتين – اللي يبيع هذا يقول يافندم ارفعي عبايتك – يحسبني متعثرة فيها ، وانا مدري وش السالفة احس خشمي انكسسسسسر وبنفس الوقت كنت مركبة بريسس فاول ما قمت قعدت اتحسس فمي لايصير انكسر فيني لأان الطيحة شينة والله ((( قمت مره ثانية وما مداني قمت الا ودخت ثانية ، قوموني الحرمتين الله يجزاهم خير  طبعا وكل جزمة بمكان وشنطتي مدري وين !!
لمن قمت انفجعت لأان كل اللي ع المكان اللي طحت فيه دممممممم ! امسك نقابي رططططب اشوف يدي مليانة دم :|، انا يوم شفت الدم صرت اهيم في المحل
ماسكة يدي واقول دممم ! دمممم ! وراسي دايخ وخشمي احسه متجمد من الطيحة
في هذه الاثناء جات اختي هدى وهي تشوفني اقول دممم دممم !
اصلا شكلها كان تحفة جاية ومعاها كيسة وتمرجحها من الروقان، يوم شافت منظري كذا طاحت الكيس وطاحت الشنطة وطاح كل شي معها .
قالت : وش فييييييييك ؟ ياربي بسم الله عليييييييييييك وتقعد تقول : اختتتتتتي اختتتتتتتتتتتي خخخخخخخخخخخخخخخخخخخخخخخخخخخخخخخخخخخخخ اش الافلام الهندية هذي
وانا معلقة معي : دممم دمممم:#

المهم تمسكني وتجلسني ، تخيلوا وربببي وربببي المكان اللي مشيت فيه كله مليان نقط دم .. يعني اللي بيتبعني بيتبع نقط الدم .. ويدي مليااانة تسبح تسبح دم !!
المهم هدى تقول : من ضاربك ؟ ( ماتدري اني دايخة )
قلت لا لا انا دخت وطحت على خشمي .. مسكينة اختي ماقدرت توقف والله العظيم وتتنفس بقوة .. المهم جا واحد سعودي يوم شفته قلت اكيد بيقول انقلعوا فشلتونا و وسختوا محلنا
قال تفضلوا معانا فوق فيه مستوصف ، طلعنا فوق و ودانا لممرضة ..
المهم قاست الضغط طلع راااايح فيها، نظفت وجهي المليان دم ونظفت خشمي الجميل وحطت لي قطن وكذا … النكتة الحين تجي :] ..
انا قاعدة مرتاحة بالسرير وجايبين لي بيبسي ياحوبي لهم الفيصلية :$
وقاعدة اقول اشربه والا ما اشربه  <– رمضان :]
فجأة خذت اختي هدى نقاي عشان تغسله .. <– تحسون عاشوا هناك فترة
المهم فجأة تركت النقاب وجات جلست بالكرسي اللي جمبي ع السرير
وانا اطالعها و اقول ياربي وش فيها ذي 😐 ، فمها مال .. صار زي اللي فيهم جلطة 😐
بعدين قعدت شوي وتقول لي :ترا بدوخ الحين .. وانا لا لا لاتدوخين 😐
بعدين : طراااااااخ من الكرسي .. وفمها مايل وقسم زي اللي فيهم جلطة :s
انا في هذه الاثناء صرخت وقلت جلططططططة :”(<– تسمع بالمسلسلات الخليجية
ودخت معاها .. <– هذي دوخة تضامن معنوي ,
بعدين قعدت شوي وقمت، وهدى لسا دايخة واهزها اقول قومي قومي ..
فجأة دخل واحد هندي يلاقي 2 طايحات بالأرض .. قسم بالله عيونه فوووق طارت مسكين من الروعة قمت اهاوشه اطلع ياقليييييل الادب <– دايخة وفيها حيل تهاوش
في هذه الاثناء صحت اختي هدى من الدوخة وشافت ذا الهندي قدامها ( هي متغطية تحمد ربها ) وتقعد تهاوش وتقول اطلع اطلع وتضربه بعبايتها، والهندي مصننننننم
شوي الا جات الممرضة وتبلش فينا .. وتشيل هدى اختي وتقيس ضغطها .. المهم صحينا كلنا من هالشي .. بعدين جا السعودي هذاك من ورا الباب قال الحين من اللي تعبان فيكم .. قلت لا بس هي داخت من الخوف . وهو ميت ميت ضحك ..
المهم حامت كبده قال دقوا على اهلكم يجون بس :] . هدى اختي استحلت السرير وانا التعبانة قاعدة ع الكرسي . قامت قالت لها الممرضة خلاص قومي خليها هي تنسدح
الممرضة تسأل اختي تقول ايش اسمها ( تقصدني 0 عشان بتسجل بدفترهم اسامينا ) قالت اختي : نوال ، بعدين فجأة قالت : لا لا سميرة :s .. يقلع ابووو الخرط و انا اطالع اختي  ❓ ، قالت لها الممرضة و انتي ؟ قالت : اميرة ..
لمن راجت قلت خير ليش كذا ؟ قالت اخاف يكتبون عنا في الجريدة والا في النت ونصير نكتة الموسم خخخخخخخخخخخخخخخخخخخخخخخخخخخخخخخخخخخخخخخخ
تقول والله انه شي يضحك .. اكيد بيكتبون عنه .. قلت طيب عادي خل يكتبون ويسوون معاي لقاء ماعندي مشكلة :] .. المهم ظفينا عفشان ونزلنا تحت الا شوي نلاقي الحرمتين الله يحزاهم خير ظافين جزمة من جزماتي وفلوسي وشنطتي ياحححوبي لهم (((
تحسبون تبنا ؟ :# هدى تقول نكمل تسوق؟ قلت بجرب :she
المهم يوم مشيت شوي وترجع لي حالة البلور
قلت اقول دقي على اخوي بس . دقينا وطلعنا ..
وتحذيرات في الطريق مانقول لأمي عشان ما يغمى عليها بعد
المهم يوم وصلنا البيت امي تسأل وشو ذا اللي بخشمك
قلت من امس توك تشوفينه  ؟ قالت لا ماكان فيك امس
قلت الا فيه حبة وصارت تصب دم ، وعقمتها خخخخخخخخخخخخخخخخخخخخخخخخخخخخ <– بعد تنصب في رمضان استغفر الله :]
ومن يومكم ماعاد رحنا الفيصلية سوا ، يا اما هي لحال او انا لحال

مايستفاد من المسخرة اللي صارت أعلاه :

• لاتروحون للسوق وانتم تعبانين ، خلقة السوق يتعب والازعاج اللي فيه يجيب التعب زيادة
• لاحد يروح السوق برمضان الظهر
• لاتنسون تاخذون معاكم علبة بنادول واشياء بسيطة تفيد في مثل هالمواقف الطارئة
• فقر الدم ماله علاقة بكمية الأكل اللي ناكله ، فقر الدم متعلق بمحتوى الطعام ، كثروا فواكه واكل صحي حتى تتفادون الدوخات

* جوجو ياعاهتي الجميلة :r5 تكفين قولي سالفة امك يوم تطيح وهي خامة الملكان .