مالذي يمكن أن يحدث في ثانية؟

سبحان الله ! كل شيء يسير وفق توقيت زمني (دقيق)

دايمن افكر لو كثير أحداث في حياتي صارت قبل أو بعد بـ ثانية وحدة !! وش قد التغير اللي بيصير ؟! أعتقد شخصيا ان ممكن يكون فيه تغيرات جذرية كبيرة كبيرة !!
(حتى لو كنت أشوف إنه ممكن بتقديم ثانية او تأخيرها بيكون شيء افضل لي ولحياتي بس من جوا أعتقد ان هذا افضل توقيت لكل شيء حدث.. الحمد لله ..)
كم من الأشياء اللي بتكون غير وضعي الحين ! كم من الأشياء اللي بكسبها وكم من الاشياء اللي كنت بخسرها ؟ كم مره صارت مواقف حسينا ان الوقت فيها هو العامل الرئيسي في الموضوع !! ولو تأخرنا أو قدمنا ثانية تتغير النهاية تغير جذري .. every thing happened for a reason !
تتذكرون مشهد الحادث اللي صار لـ Daisy في The Curious Case of Benjamin Button لمن كان بنجامين يتكلم عن انو كل شيء صار بوقت مدروس ولو تأخرت ثانية او كم ثانية كان يمكن ما صار لها الحادث .. الاحداث الصغيرة اللي وقفتها في طريقها والأشياء البسيطة اللي ما نلتفت لها كانت جزء من الخطة المحكمة!

في فلم من افلامي المفضلة اسمه cashback كان يعطي تقدير لكل ثانية نعيشها في حياتنا وانها ممكن تكون هي الحكم الاخير في قصصنا واحداث حياتنا .. كان يقول :
Sharon had seen the wrong second of a two second story – للحين جملته في راسي ! لو مثلا شارون جات في الثانية الصح كان استمروا مع بعض وفهمت ليه هو تصرف هذا التصرف.. بس لانها جات في الثانية الغلط ! انفصلوا :/ ..

نفس الشيء في مسلسل How I met your mother ، كان يحكي لأولاده كيف قابل أمهم وانه الوقت كان هو الشيء الرئيسي اللي سمح لهم يقابلون بعض ويتزوجون ! وكان يقول لهم بالتفصيل وش صار وانه كل ثانية تأخرها كانت هي الشيء الوحيد اللي ساعدته يقابل أمهم .. وكان يقول لهم يمكن لو ما سويت الشيء الفلاني في طريقي كنت مالحقت على الحدث اللي بيصير ويخليني اقابل امكم .. وهكذا ..

الوقت مسألة كبيرة جدا .. الثانية تمر مع غمضة العين وما نعطيها اي قيمة مع انها تساوي اشياء مره كثيرة .. اشياء اكثر من اللي نتخيلها .. ممكن بثانية تتغير حياة .. ممكن يتغير شعور .. ممكن تتغير علاقة ! ممكن تستجاب دعوة .. بثانية ممكن يحصل التغيير .. بثانية وحدة نقدر نضيف لحياتنا اشياء كثيرة .. ممكن نكون ممنونين طوال حياتنا لثانية وحدة من هالحياة كلها !! تعالوا نفكر بكل الاشياء الحلوة والسيئة برضو اللي صارت لنا وكان الوقت هو البطل! تعالوا نعطي الثواني فيها قيمتها ، تعالوا نشكر كل ثانية مرت في كل قصة سعيدة او حزينه لان هالثانية اعطتنا اشياء كثيييرة لقدام ما كنا مقدرينها او ماكنا مستوعبين انو الثانية الوحدة ممكن تعطيها لنا .. تعالوا نحب الثانية ونحب الجزء من الثانية ،  تعالوا نحقق النجاحات في الثواني ..خلونا نكون ممنونين ولو لـ ثانية وحدة في حياتنا لأننا استغليناها صحيح ..من الآن …

*الفلم حاصل على جوائز كثيرة في مسابقات الأفلام القصيرة .
* للي مايبي ميوزك يوطي الصوت ماراح يتأثر الفلم ابدا.