Day 17

مين يقول إنو الكبار ما ينبسطوا بالبالونات ؟ عن نفسي ! ممكن اترك كل شي ماسكته وأتابع بالونة طايرة بالسما لحد ما تختفي من نظري. ما أعتقد أحد يشوف بالونه وما يبتسم . ما ادري ليه هي حاجة باعثة للابتسام والتفاؤل، لكن بنظري البالونة حاجة رمزية لخفة الروح اللي لازم نوصلها فينا، البالونات تذكرني بحاجة دايمن احاول اتمسك فيها اللي هي let it go . خلي الاشياء تروح، دعوها تذهب ! انسوا اكثر وعيشوا أكثر،  ادري انو الواحد صعب ينسى لكن أسهل انو يتجاوز. لكل اللي يقرا: let it go، لا تسجن نفسك بمشاكلك كثير، ولا  تظل حبيس لفكرة سائدة، ولا تعيش تحت ظل ماضي تعبك. التعويض من ربي للي مؤمن وموقن بالتعويض : ). إلهي عوض علي وعلى كل اللي هنا من واسع خيرك.

* ترا انواع اللي بهذلتني البالونات 🙁 ارميها فوق وارفع الكام وكل شوي يطلع جزء مابيه يطلع :/ فاضطريت اقص بعض الاشياء فوتوشب <– من باب المصداقية يعني :] .

* مدري كيف اقول شكرا على كثر ماشجعتوني ودعمتوني على هالمشروع البسيط . وربي انا مبسوطة فيه اكثر انو خلاني اشوف قد ايش انتم ناس supportive ، شكرا لكم كلكم والله :h: