how to make it -2

السلام عليكم ورحمة الله وبركاته،
حسيت لازم أكثف البوستات عن أي شي عملته واشرح خطواته
حتى أقدر أفيد اللي حاب تغليف البوكسات والكولاج بشكل عام ..
ان شاء الله بغثكم :]

*

كنت محتاجة قبل كم يوم بوكس صغير بحط فيه قصاصاتي وبقايا الأشياء اللي ماتنكب بعد الكولاج
يعني قصاصات مجلات او جرائد ممكن استفيد منها بعدين ..
كنت ابغى البوكس صغير وما ياخذ مني مساحة وسهل في حمله وما يعذبني ..
بوكسات الجزم الله يكرمكم ما حسيتها تناسبني ولا هي عملية ، أخص منها اللي لها كوفر منفصل
فلقيت كرتون التمر أحسن حل وأفضل طريقة وما يعذب في الاستخدام والتغليف.

اخذته وطلعت أغراض الكولاج r5 ، غطيته من جوا ومن برا بكيسة زارا – لون اسود،
وبديت اشتغل على الزينة زي ما انتم شايفين بالصورة ..

* غطيت الجهات الأربعة من الداخل ، حتى يكون الشكل انسب
* غطيت الجهة العلوية بكيس زارا ،
* الجوانب غطيتها بخامتين ( كيس زارا + رولات تجي بالمكتبات (ما اعرف اسمها) وبألوان متعددة ، انا اخترت ذهبي وفضي)
* لصقت قطعة من الكيس وبعدها قطعة من الخامة هذي .. من كل الجمبين زي ماتلاحظون بالصورة ..
* لمن انهيت الشكل الأولي للبوكس ، صار وقت الـ additions ، اخترت اني اصلح البوكس من فوق ومن جمب بريبونز منقطة

* استخدمت هذي الريبونز (من محل الكلف) ( وقريب راح ارفقها كـ ستوكات تقدرون تسفيدون منها في التصميم الرقمي(

حاولت اغير واستخدم كذا لون ، وما اجلس على لون واحد او لونين ،
* بعدها استخدمت خامة خيوط زي الحبل (مكتبة الشرق) لتزيين البوكس من الأعلى ،
* ومن الجمبين الأمامي والخلفي لصقت ورق جرايد ، وركبت زر خشبي ( من محل الكلف )

والنتيجة النهائية زي ماتشوفون هنا :

اضغط / ي للتكبير ، لتفاصيل البوكس