نوال في ساحات المطابخ: صينية الدجاج بالكريمة

نعم إنها الحقيقة! الحقيقة و ليست الخيال .. نعم صدق ما تراه نوال تنزل طبخة اخرى في بلوقها :] . أنا مقدرة ان فيه كثير راح ينهارون على الطبخة وعلى سناعتي، وما اقدر اقول لهم شيء لأن معاهم حق صراحة ! بس عزائي الوحيد

لهؤلاء انو : لا تيأس :] يوما ما ستتذوق طبخي :] وستنهار أكثر :]

نعممممممم هذه الصورة ليست بخيال! هذه الطبخة التي ستجعلك منسدحاً تستطيع عملها عزيزي رب المنزل هكذا:

المقادير:
كيس خبز توست ( هرفي ) واللي بيسوي لوزين بزعل منه! :]
صدور دجاج بدون عظم.
كريمة الخفق ( المراعي ) <—تحسون لها اسهم ؟.
قشطة ( اي شي ماعندي مشكلة بس يفضل التاج ).
جبن موزاريلا ( المراعي ) أو جبن كرافت مبشور.
بصل – فلفل رومي ( ملون والا بزعل منكم ) – بهارات – بقدونس – نعناع
صينية – ملعقة خشبية للتحريك :] – سكينة للتقطيع – فرن – قدر للكريمة وقدر للدجاج <—فيه إخلاص اكثر من كذا ؟

الطريقة:

أولا: نسلق الدجاج مع البهارات والفلفل الرومي عشان يصير طعمه جميل جدن. بعدين نقطع البصل والفلفل الرومي ( الملون ) شرائح طويلة ونحطها بتيفال مع بقدونس ونعناع ، ونحط شووية زيت بس عشان الكشنة. بعد سلق الدجاج نقوم بتنتيفه عشان يتأدب :] ونحطه في التيفال مع اصدقائه البصل والفلفل والنعناع و البقدونس و الزيت ، نضيف عليهم بهارات مثل: مسمنة –  فلفل اسود …الخ. <—ترا توهقت ما تعرف وش باقي البهارات.
نحركهم عشان يندمجون سوا ويحبون بعض ونسكر عليهم بالغطا ونحطهم على النار .

بينما الاصدقاء على النار ، ناخذ التوست ( هرفي وش قلنااااااا؟ ) ونشيل اطرافه ونرص طبقتين فوق بعض من التوست في الصينية. واللي حاب يدهنها بمايونيز يدهن ليه لا ! انا ديموقراطية :] ، بعدين خليكم زيي وروحوا سووا سلطة انا سويت سلطة الزبادي بالخيار.

بعد ما يخلص الدجاج والبصل من على النار وتحسون انهم تكشنوا كويس نطفي النار ونحط الدجاج المكشن مع البصل فوق التوست ونحاول نخلي شكله مرتب.  بعدين يجي هنا دور القشطة وكريمة الخفق <—اصدقائي دائمن وأبدن :] r5 | | علبة قشطة مقابل علية صغيرة من كريمة الخفق ( اصغر مقاس ) نخلطهم وبعدين نحميهم على النار لمن يفور الخليط ، ناخذ الخليط ونصبه فوق طبقة الدجاج:

الكريمة راح تتماسك مع الدجاج ويتشربه المدري ايش وبينزل شوي منه ع الخبز تحت وهذا قمة اللذة، بعدين نحط فوقه اخر شيء حبن موزاريلا او جبن كرافت مبشور. ندخلهم الفرن لمن تذوب الجبنة وتتحمر شوي :

تقدم مع البطاطس المقلية كما عملت حفظني الله، وبالهناء والعافية . تستطيعين أن تذلين أهلك فيها وكل شوي تقولين يوم سويت هذيك الطبخة ! تذكرين قبل ما اسوي هذيك الطبخة ، تستطيعين ان تتمسكني عند امك بعد عمل الطبخة وتقولين أبي أروح لكذا وكذا :] ستلاحظين أن امك ستسمح لك مباشرة، وحتى تظمني رضاها عن الطلعة قولي بمر على هايبر بندا وبجيب طلبات الطبخة حقت بكرا خخخخخخخخخ سترين الانشكاح التام :]

الطبخة اهداء لكل اللي يحبوني :$ شكرا لكم لولا الله ثم انتم ما وصلت لهالمستوى والنجاح الباهر في الطبخ :] و حبيت أبشركم بقرب صدور كتابي في الطبخ والاهداء لكم طبعا :$ .