Day 12

————————————————————

اليوم رحت لمعرض الكتاب زي ما خططت، اتفقت مع رشا نروح سوا ومعانا أروى. أخذنا لفتين مشينا على دار العلم للملايين بعدين دار الشروق المصرية ، بعدين دار الفكر. طلعنا من دار الفكر على دار المدى مباشرة! فجأة اطالع كتب ايزابيل اللندي ولمن اخترت واحد ورشا ثاني بطلع بوكي عشان ندفع ماني لاقيته 😐 . أكيد انسرق ما أظن طاح كان بالشنطة شايفته من شوي :/ . دورنا بكل الدور اللي زرناها نبشنا الرفوف ولفينا ع الممرات ولا نتيجة ! فأكيد انه مسروق . الحمد لله على كل حال. من جد تعبت نفسيا اول شيء ! وجاتني دوخة :] تحويشة عمري :”( كان في البوك وقتها 900 ريال ومتعددة الفئات خمسمائة، مائة ، خمسين ، عشرات، ريالات، خمسات كله من الحماس وانو مره حريصة وجايبة اشياء ما يبي لها صرف وكذا :”(. فجأة كذا انسرق بوكي بكل اللي فيه. كان فيه بطاقتين وحدة مو مهمة والثانية بطاقتي بسامبا، لكنها مو فيزا الحمد لله. وكان بالشنطة بعد جوالي الحمد لله يارب انه ماسرقه :”( ، اصلا شنطتي كان فيها جوالين واحد منهم سعره 2800 :/ وغير كذا فيه ايبود وفلاش ميموري، وترك كل شيء واخذ البوك :”(. انسدت نفسي وماعاد كملت قائمتي صراحة، ولا لي رغبة اروح مره ثانية لان من جد احس بصدمة نفسية :] +انا عايشة على خط الفقر ! :] واللي كان فيه كان ميزانية مخصصتها للمعرض يعني ما اقدر ارهق ميزانيتي الثانية :”( . الحمد لله على كل حال. المهم رحنا للسكيورتي وبلغناهم وحطينا رقم للاتصال عندهم :] طبعا رشرش حطت رقمها لأن انا ما ارد ع التلفونات خخخخخخخخخخ :$ ، قلت له مافي كاميرات يعني ؟ قال الا موجود و بنشوف ولحد الحين طبعا مافي رد وانا اشك انهم شافوا شيء ! واللي سرق طلع وخلص وراح صرف الفلوس :]

المهم انو الحمد لله على كل حال انا راضية باللي كتبه ربي، وهذي اول مره انسرق بشكل فعلي في حياتي الطويلة :] وأنا متأكدة تماما انو هالشيء ما حصل عبثا، حصل لخير مستقبلا، وحصل لدفع شر كان ممكن يلحق فيني او في رشرش او اروى، كان ممكن ما ينسرق البوك ونكمل تسوق ونروح لأي دار ويطيح علينا رف ! من جد أتكلم كان ممكن اي شي يصير لكن ربي قدر هالحادثة عشان يمنع حدوث شيء سيء مستقبلا وتمهيد لحدث جيد مستقبلا ايضا. شكرا ياربي أحبك دائما وأبدا. والحمد لله كثيييير انو السرقة في المال مو في النفس، خسرت قرابة الألف ريال لكني مازلت أملك اهلي الطيبين وصديقاتي الجميلات، مازلت املك صحتي ولله الحمد. شكرا ربي .

ع الطاير:
* ما ادري وش السحر الموجود في اللبنانيين :] ؟ دخلنا انا ورشا اول شي دار العلم للملايين وانا اخذت منه سيرة المهاتما غاندي. ورشا طول الوقت تقول ههههههه وش فيك انتي على كتب السير | ههه من جدك انتي الحين بتقرين كل هذا ! | والله إنك …. | وانا اقنعها بانه المهاتما شخص مره كان همه التغيير وكان عايش للتغير و و و ، فجأة جا اللي يبيع في الدار وقال لاااء المهاتما وو و ووهذا الكتاب و و و ورشا بدت علامات الاقتناع تظهر من خلف النقاب :] وحكى لنا سالفة انو المهاتما لمن رمى جزمته الثانية لمن كان راكب القطار و  و… على طلو اول ماخلص رشا قالت اوكي ابغى اخذ الكتاب :] خخخخخخخخخخخخخخخخخخخخخخخخخخخخخ طبعا ما يحتاج اننا متنا ضحك عليها :]. فيه سحر فطري تسويقي في اللبنانيين او ايش ؟ انا اشوف انه ذوقهم وطريقة اهتمامهم بالزبون تخلي الزبون فعلا (يحب) يشتري منه بغض النظر عن المنتج. واكبر دليل محلات الميك اب :kt

* المعرض كان زحمة من جد ماتوقعته كذا ! كنت متوقعة بيكون فاضي شوي، لكن كان اكثر زوارا من ما توقعت !

* وهم يصلون الظهر كنت مستعدة فعلا اروح للامام واقوله يسوي قنوت بعد الصلاة عشان يرجع لي بوكي  خخخخخخخخخخخخخخ ، بس رشا قالت لايكثر :]

* ترا من جد انواع اللعب بالاسعار :/ لمن كنت في دار المدى وسألته عن سأخون وطني قال بـ 30 قلت لا مكتوب بالموقع 25 قال صحيح ؟ هههههههههههه : ) . قلت باخذه بـ 25 قال اوكي . حسيت :/ ؟!

* شكرا للاصدقاء الطيبين الجميلين في توتر ! بدعمهم و تهوينهم للموضوع حسسوني اني محاطة بهالة جميلة من المحبة، شكرا لكم

* الصورة تفاعلا مع حادثة السرقة اللي صارت :] ، وشكرا لرشا وأروى ع الجلسة اللطيفة، مع انو كان مقرر انو انا ورشرش نروح ابل بيز بس يلا المرات الجاية بدون نكد r5