عليه أفضل الصلاة والسلام.
عندي احساس قوي انه جزء كبير من المسؤلية في انو الناس اللي بالغرب لمن مايكون عندها اي فكرة عن محمد عليه الصلاة والسلام، او لمن يكون عندها فكرة مغلوطة تماما.. جزء كبير من المسؤلية.. جزء كبير جدا يقع علينا.. واحد واحد! واحنا يمكن مو حاسين .. او مو عارفين انو مهمتنا نبلغ الناس عن هذا الانسان العظيم! مافيه اعذار.. مافي مبررات احنا نتحمل جزء من الخطأ.. لمن احد يعتقد ان محمد عليه الصلاة والسلام يدعو للعنف – حاشاه حبيبي – انا اشعر من الداخل اني اتحمل جزء من الخطأ هذا.. لانه : ايش سويت ؟! احيانا قبل ما انام افكر بكل انسان مو مسلم مات على كفره! يطير النوم من عيني !! والله اني ما امزح والا ابالغ.. فعليا ما اقدر انام.. ربي بيسألني عن كل شيء بحياتي ويمكن يسألني ليه ما بطريقة ما عرفت بالاسلام باحسن طريقة ممكنة ؟ مافي عذر يا انا كل شي الحين سهل! انا ما ادري وش موقع مسؤوليتي هنا لكن اللي اعرفه اني ما اقدر انام لمن افكر بفكرة انو واحد مات على كفره وعلى افكاره الضالة عن الله.. احس بمسؤلية كبيرة.. محمد عليه الصلاة والسلام اخر نبي.. يعني خلاص ماعاد فيه نبي يتلقى الوحي مباشرة من الله.. لذلك احنا المجددين .. احنا اللي ننقل الورث اللي تركه لنا الرسول عليه الصلاة والسلام. احنا اللي لازم نجدد وننشر النور.. علاقتاتنا بالاخرين من خلق الله تحدد بطريقة ما علاقتنا مع الله..
شكرا من كل قلبي للمجموعة اللي تبنت هالحملة.. كم غيروا شخص ؟ يابختهم والله يزيدهم ويرزقنا..
جوهرة
يالله كيف انتي تقولين الفكرة اللي في بالي تماماً
تذكرين المسج اللي ارسلتج اياه امس؟ برنامج ذاك رسول الله تكلم عن دعوة الرسول ماتتخيلين هالموضوع ايش ممكن يسوي فيني شقد يهزني يبكيني
لما يوقف الرسول في الصفا وما فيه حد مؤمن بدعوته غيره وقدام كل أهل قريش يصدح بالحق وبكل حنيه
وفي الشعب في الحصار يالله يالله هنا بالذات احس بأشياء كثير ما أقدر أوصفها الا بدموعي
احس محتاجه أدون..
بحبك يا بنت :hug?:
aljumanah
ياااااالله نوال !
قد ايش احنا مقصرين, مقصريييييييين “(
وفعلا,احنا نتحمل جزء كبيييييير من نظرة الغرب الخاطئة لحبيبنا وديننا !
على الأقل لو ما شدينا همتنا وعملنا أشياء زي هذي, على الأقل نتمثل الإسلام في أخلاقنا وسلوكياتنا اليومية !
:
ياحبي لقلوبهم والله, الله يوفقهم يارب :lo:
:
أحب كل شي هنا :v:
:yay:
الاءْ ،
يا بختهم ! والله يا بختهم !
أذكر مرّة كتبت تدوينة عن مسؤوليّتنا تجاة ديننا وإنه لازم نبدأ ننشر ونصحح وكيف إنّه إحنا جزء من المشكلة !
تدرين إيش أكثر الردود ؟
نصيّاً ” تسألين : ماذا فعلنا لِ نشرِ الإسلامْ ،.. أرى أنه لم يبقى بيت في المعمورة إلا وقد سمع بالإسلام ” وهكذا !
طيّب إيش اللي وصل لهم ؟ هل وصل لهم بحقيقتة ؟
المشكلة إنّه في كل مشكلة ، داااائماً تلقين تبرير فقط !!
كأنّه هو اللي بيجيب الحل !!
والله شي يقهر !
/
طيّب من عقلك الجميل ، إكتبي لنا هنا أشياء نقدر نسوّيها عشان نزيد الفائدة :#
نوال : تدرين إنّي أحبّك r5
chocolaa
السلام عليكم :hala
نوال نوال نوال … فيديو مؤثر :he
لكن خليني هني أتكلم من تجربتي الخاصة … وإلي اجوفه إن أفضل طريقة لنعرف العالم بالإسلام صحيحًا هو الإلتزام به شخصيًا… وإذا الواحد فكر يتحرك أولاً فليبدأ التحرك في محيطة… يعني push things around u … وبعدين بتشوفين شلون تتحرك أشياء البعيدة…
ثانياً… الواحد يبتعد عن الطريقة التبشرية لأنها ماعادت نافعة وصارت منفرة… ولأنها صعبة ماتجي صح مع أي شخص… يعني التبشير نوعاً ما فيه تلميح أن يا أنسان دينك غلط … والواحد لما يحس إنه فيه أي نوع من الهجوم على دينه حتى لو ماكان ملتزم بتجوفينه ياخذ وضع دفاعي…
صديقاتي هني في بريطانيا ثلاث… نيجيرية وروسية وصينية… واحدة مسيحية ملتزمة و الثانية مسيحية بس تميل للفكر البوذي والثالثة بوذية… وكثير من الأحيان يسألوني عن الإسلام … أحياناً بأسلوب فيه سخرية مبطنة … وأحياناً اسئلة فيها إعجاب مخفي… أنا شخصيًا ماعندي مشكلة اتعامل مع اي انسان مهما كان دينه … وفي نفس الوقت ما أجوف في كل الناس خامة تصلح لأنها تكون مسلمة … في ناس محتاجين شغل وايد…ولا ننسى قوله تعالى “ومن يهد الله فهو مهتد ومن يضلل فلن تجد لهم أولياء من دونه” صدق الله العظيم…
لكن … الي اقدر اسويه هو اني امثل ديني بأحسن ما استطيع…التزم بحجابي و بأكلي وباسلوب تعاملي مع الجنس الآخر… وأحاول قد ما اقدر ابتسم في وجه غيري وابادر للمساعدة والتحبب للناس… الأخلاق الأخلاق ثم الأخلاق… هذا هو السحر في الإسلام إنه أمر بالتحلي بالخلق وبالكلمة الطيبة…
وشي أخير أقدر اسويه…إن قبل ما ارجع البحرين أهدي كل وحدة نسخة من ضياع ديني لجيفري لانغ… صحيح إني ماقريت للحين…بس من خلال معرفة محتوى الكتاب ومن خلال عدة مقابلات جفتها للكاتب أعتقد الكتاب مناسب جداً و مايعتمد التبشير أسلوب…
أدري طولت … بس كنت اشرح وجهة نظر…عشان يانوال في أشياء تنأخذ بهداوة وبغير الهداوة ماتصير r5 … وأعتقد إنه عليه أفضل الصلاة والسلام ماكان فيه أحد مثله في الهدوء والحلم والصبر…
نامي يانوال وأحلمي بمستقبل أفضل :field: … After all …إذا كان فيه من بين شبابنا مثل الشباب الي في الفيديو … ومثلج و مثل زوار مدونتج … فالحمدلله لازال هنالك أمل…
🙂
كانت معك من وراء المايكرفون … متفائلة …أنا
Arwa
آآآه أبغى والله أبغى أقدم شي لديني و لحبيبي محمد صلى الله عليه وسلم للإنسان إلي شايل همنا أكثر شي بالحياة .. :he
وبإذن الله وبإذن الله رح أقدم ولو شي بسيط ، مو بس أنا كلنا وكل إلي يبغى يقدم شي وفقلبو إحساس بدي المسؤولية !
يآرب ساعدنا يآرب r5
نوآل،، يآربي نبغى مثلهآ كثيييير :hug?:
غير البشر
صح صح :”” , قلبي يعورني لما اعرف قد كيف نحن مقصرين تجاه ربنا وديينا ورسولنا :” 🙁
تذكرت عائشة الفتاه الكينيه الي عقب ما اسلمت تقول انها كانت عايشة بين مسلمين
أصدقاءها مسلمين فـ شغلها مسلمين و جيرانها مسلمين , ومع هذا ماكانت تعرف عن
الاسلام ابداً شي !! وكانت ماخذه فكره غلط جداً عن رسولنا . ليييش ؟ لان محد فكر
يدعوها و يعرفها ويعطيلها الفكره الصح عن الاسلام وعن الرسول صلى الله عليه وسلم !!
الله يقدرنا على نشر الإسلام بالصورة الصحيحة بأذن الله 🙁
نوفه
الله يجزاهم خير يارب
دمعت عيوني قهر لما قالوا أنه محمد ارهابي وانتشر بالسيف
وربي قهر حنا السبب :”””(
آلاء
السلام عليكم ،، أود ان اضيف تعليق لي وهو اننا بالفعل علينا مسئوليه كبيره تجاه ديننا ، وجميعنا الا من رحم ربي مقصر تجاه الدين ،، ولكنى احب ان اقول ليس الغرب فقط من يحتاج الى دعوه ولكننا نحن وامتنا هى المحتاجه مئات بل ملايين الدعاه المجددين الذين يكونوا هدايه للشباب القادم الذي على عاتقه نصر الاقصى
فإنى اضرب لكم مثل بما إننا نقارن حالنا بحال الغرب ، فانهم مع أنهم ليس عندهم دين ومع ذلك فانهم متقدمين فى جميع المجالات ، ولكن معدل الفاحشه و الجريمه تتزايد عندهم ،، ونقارن دائما بيننا وبينهم فى جميع المجالات ،، ولكنى احب ان اقول ان هناك نسبه من هذا الاشياء المشينه مثل انتشار الفاحشه و الجرائم فى بلاد المسلمين ,, واحب ان اقول ماذا كان رد فعلل الرسول مع الصحابه ومع الاعراب الذين يأتونه من البلاد البعيده ، فان الاعرابى كان يتكلم مع النبي باسلوب لا يليق احيانا و يسأله اسئله لا ينبغي له ان يسألها فضلا عن قول كلام الكفر احيانا ومع ذلك لم يكن النبي يعنفهم ولكن كان يعلمهم و كان حليما معهم
فى حين ان النبي كان لا يقبل اقل من ذلك من الصحابه
فمرادي ان اقول اننا بما إننا مسلمين يجب ان يكون المجتمع مثالى ولا يكون اي معدل للجرائم او الفواحش لاننا مسلمين و مكلفين اما الغرب فانتشار مثل هذا الاشياء انما هى شئ طبيعى وان الغرب لن يعرف الاسلام الحق الا اذا كنا مسلمين حقا و انهم ينتبهون لنا عندما يرونا نحقق مراد الله منا فى الارض
فاحب ان اقول اننا فى بلاد المسلمين نحتاج هذا الكم من الدعاه المجددين الذين يحاولون ان يأخذوا بأيدي الجيل الجديد ليكون بعون الله هو جيل النصر
الاءْ ،
آمممم عادي أقول شي :$
نوفة ، تدرين جلد الذات هذا ماراح يفيدنا كثير ، بس هو لازم !
في قسمين بالناس واجهتهم كل ماتكلّمنا عن قضيّة معيّنه ،
إمّا يجلدوون ذاتهم بشكل كبير !لدرجة توصل إنّه يقولون إحنا مانقدر نسوّي شي لأننا أسوأ ناس !
أو يقولون لأ الدنيا لسّا باقي فيها خير ، وهذا الشي يخلّيهم يتقاعسون لأنّهم مايشوفون حجم المشكلة !
وكلا الحالتين كانوا من أقل الناس تفاعلاً مع القضيّة ..
/
أحس إنّي تعلّمت شي ، الوسط سبحانَ الله في كل شي أحسن ..
وو بس :$
نوال : كل ماتأخّرتِ أكثر كل مالقيتي بـ كل تدوينة 10 تعليقات لي :$
شكلي باخذ مكانك بالرد ع كل إنسان :$
آخر مرّة خلاص :$
نهى الراشد
نوال بارك الله فيك
احسنت بطرح مواضيع كهذه r5
اللهم اجمعنا بنبينا وحبيبنا محمد صلى الله عليه وسلم :he
دندنة قيثارة الوجد
السلام عليكم ..
بارك الله فيك وحفظك .. واللهم صلي على حبيبينا خاتم الأنبياء والمرسلين .. آمين
رُبَـى !
اللهم صل وسلم عليه r5
والله يجزاهم خير وينفع بهم اللي جالسين يبذلون لأجل ينقلون الصورة الصحيحة
* ليت المقطع من دون الأصوات اللي فيه مدري ايش بالضبط هو دف أو موسيقى ماقدرت اسمعه :/ وتمنيّت اسمعه r5
موفقة يانوال والله ينفع بك (F)
نسائم النعيم
يااااااالله يا نوال شيء ييعور القلب!!
و الله براسي أشياءءءءء كثيرة لكن العائق أبغى أحسن اللغة عندي و أخلص دراسة و هنا أتفرغ بالكامل لهذا الموضوع لكن أبغى شي الحين بجد حسستيني أنو لازم أسوي و لو شيء بسيط الآن .. :$
أحس أقل شيء الكوافيرات في الصالونات لازم نعرفهم عن هذا الدين لو نعد قبل مطوية بشكل حلو معها هدية صغيرة و خلال خدمتها ندردش معها بالإنجليزي و نضحك معها و لما نطلع نعطيها الهدية وش يكون تأثيرها عليها أتمنى أطبق هالفكرة و الكل يطبقها و يشوف الآثر الحلو اللي تتركه في نفوسهم :take: ..
دمت..