a new style has come

كسر لحاجز الرهبة والكسل ( اللي تكون بيني وبين بلوقي
والسبب الأول طبعا هو هجري لها بسبب مشروع التخرج  :wsh ” الله ياخذه ولا يعيد ايامه ” وبسبب الفايلنز ..) قررت أسوي شكل جديد ومريح مع اني مرتاحة مع الستايل الرمادي راحة فظيعة :] .. بس متأملة ان هالتجديد بيخليني متواجدة أكثر وأترك الكسل .. :]
أحس كذا تغيرت أشياء فيني .. أحس ما عاد بكتب زي ما اكتب اول يمكن اغير طريقة كتابتي .. أشياء كانت تهمني وتشغل بالي الحين افتكيت منها الحمد لله اولا واخيرا .. أشياء كانت تضايقني الحين تخطيتها والفضل لله اولا وأخيراً .. الفهم المو صحيح للي اكتبه من قبل الناس. تغير ظروف حياتي ونفسيتي السريع .. تعقب بعضهم للي اكتبه وربطه باحداث واقعية وخيالية
وبعضهم يمشي ويطلع كلام طبعا هذي الفئة ما تستريح الا اذا طلعت كلام :] .. كل هالاشياء وأكثر كانت تلح علي اني أقفل البلوق.. بس يكفيني الفائدة اللي شفتها من بلوقي على نفسيتي وعلى علاقاتي ومجموعة صغيرة همها صغير ما تهمني ولو وصل صوتهم لوين ماوصل 😉 .. بالعكس الحين عندي دافع اكثر تجاه بلوقي .. عندي اتجاه أهم .. عندي أفكار أكبر وأنضج .. عندي أصدقاء أحكي عنهم اكثر .. عندي مشاريع نفسي انفذها ببلوقي مفيدة للجميع .. احاول اركز على اللي عندي من افكار ومشاريع ممكن تفيد ( اي ) أحد يمر هنا .. هذا السبب الوحيد اللي مخليني استمر .. وأسباب ثانية شخصية ..
اقدر أقول انه من تاريخ 22/1/2009 صرت انسانة ثانية .. مره شخص اخر ..
مرتاحة نفسيا ولا يعني ان كل مشاكلي انحلت .. بالعكس فيه مشاكل ماتزال عالقة .. لكن المشكلة الاكبر في حياتي وفي نفسيتي ربي فكني منها ومن دون ممهدات ولا سابق انذار .. ربي احاطني بسكينته وحل المشكلة من عنده وأرضاني الحمد لله .. من وقتها وانا احس خطواتي خفيفة .. امشي زي الريشة .. أنام مرتاحة .. آكل مرتاحة .. اطلع مرتاحة .. يعني اعيش شعور ماعشته من 5 سنوات بالضبط ..
الحمد لله يارب .. وش احسن من كذا ؟

:fff:

صرت اقدر اقول عن نفسي الحين انو انا Nawal 2.1
وهذي النسخة افضل بكثير من نسختي السابقة Nawal 2.0
أستعد لتغييرات كثيرة تبدا من اليوم لحد 100 يوم قدام تقريبا ..
متفائلة بالجاي ويمكن اول مره اتفائل.. :] على قولة نور اني شخص متشائم جدا .. الله يستر من هالتفائل <– اكبر دليل على التشائم :]
عندي نية انضج واكبر واوعى للتغير في نفسي وفي من حولي ..
باختصار .. أحس إني ( حرة ) .. ربي ( حررني )

بس شوي استعيد انفاسي واقطع وعودي لهالمكان ولنفسي ولكم وأرجع..

:fly

هابي نيو ستايل