Atonement

يحدث ونشوف فلم ويجلس تأثيره مدة طويلة جدا جدايحدث ونشوف فلم ويشدنا بكل مشهد وبكل نظرة وبكل حركة، يحدث ونشوف فلم وننبهر بالطاقة الابداعية السينمائية اللي يحويها الفلم واللي نقلها المخرج او الممثل او الكاتب . .وهذا بالضبط ينطبق على فلم Atonement الفلم ما أعرف كيف أوصف مدى براعته سينمائيا و روائيا ..

عبارة عن رواية لـ Ian McEwan ..الرواية باختصار تحكي عن بنت صغيرة اسمها  Briony Tallis تكلمت بشيء اعتقدت انها تعرفه وهي بالأصل ما تعرفه واعترافها هذا لخبط حياة شخصين وحرمهم من بعض .. القصة تتكلم عن عائلة بريطانية اسمها talis  عندهم بنتين Cecilia  الكببيرة و Briony الصغيرة و ولد ..أبو العائلة هذي تكفل بتربية ابن الطباخة بما ان ابوه هرب وتركهم ،وتكفل بتعليمه وكل شي، تحدث قصة حب ماهي جديدة ولا هي خيالية لكن طريقة الفلم ونهايته هي المؤثرة ..Briony لعبت دور في تدمير حياة اختها باعترافها الخطأ استناداً على شيء شافته وفهمته غلط ..ماراح احرق قصة الفلم للي يبي يشوفه لأنه بجد يستحق المشاهده ، راح اتكلم عن النواحي الفنية اللي قدر يوصلها لها المخرج بكل براعة ..طبعا طريقة سرد الفلم جدا جدا ممتعة وافضلها كثير وهي انو يحصل شي وانت مب عارف كيف صار ولا ايش السببولا كيف التفاصيل وبعدها ترجع الاحداث تفصل نفسها بمعنى انه يطرح السؤال وبعدها بمشهد او اثنين يرجع يجاوبك الفلم بمشهد مفصل للي حدث !!

هالطريقة في السينما تتسمى flash back   بمعنى انو الحدث يسبق التفاصيل .. الحركة هذي جدا مبهرة في خلق جو من الحماس في الفلم لأنك تتسائل كيف صار كذاوهذا ليش كذا وتجلس تتسائل لفترة وبعدها يجيك الجواب و التفصيل ويقنع اسئلتك كلها ويسكتها .. بداية الفلم كانت ذكية جدا كانت Briony تكتب مسرحيتها الأولى على الآلة الكاتبةوكان زي التلميح لمصير Briony بالنهاية وكونها صارت روائية مشهورة !! الساوند تراكس شي عجيب فعلا ، استخدامهم لصوت الآلة الكاتبة بهرني جدا فوق ما تتصورون لانه فعلا استخدامها ذكي جدا كون الفلم اصلا رواية و ان كل الفلم يدور حول رسالة تلقتها Briony بالغلطوسلمتها لاختها علاوة على انها كتبت القصة كـ روايةاستخدامهم لصوتها شيء يعتبر من نقاط قوة الفلم ..

التمثيل والممثلين شيء خرافي اعجبني واقنعني ادائهم ،واصلا كيرا  انسانه موهوبة جداتضبط دورها وتقنعك فيه ،وادائها جدا مبهر من فلم pride and prejudice  … جيمس ما اقدر اقول شي بعد فلمه بيكومنق جين لأانه فعلا مبدع !يبكيك بالرغم من كل شي .. مشاهده وطلتته جدا ساحرة ،، اتوقع له مستقبل قوي جدا في السينما وافلام تهز !

Saoirse Ronan اللي قامت بدور Briony كانت فظيعة جدا في التمثيل و نظراتها عن جد تنطق ! والاحلى كيف لمن كبرت Briony جابوا ممثله تشبه له وحتى لمن وصلت مرحلة الشيخوخة كان الشبه واضح ! وهذا الشي اللي يخلي الافلام الاجنبية دايمن متفوقة !!التصوير كان شي اكثر من روعه !!شي يحسسك انك بمتحف فني وقاعد تشوف صور من زمن الفنتيح او رسمات .. ديكورات البيت و ورق الجدران كله يغري انك تروح تزوره وتاخذ لك صور تذكاريةوتعيش هناك يومين وتحس بجمال المكان الحقيقي ..فريمات الصور كانت جدا رائعه ، الفلم كله اعتبره عبارة عن صور فنية غالية متتالية على شكل فيلم !لوح و صور تنتظر من يرسمها فعلا !!

مشهد الحرب كوم والفلم كله كوم ثاني  :@:    .. ما راح اقدر اتكلم عنه  راح اخليكم تشوفونه وتقولون بأنفسكم وااااوعلى ذكاء المخرج وااااو على ذكائه في تحريك الكاميرالدرجة انك ما تبي المشهد يخلص وترجع تعيده 3 او 4 مرات .. هذاك المشهد اصنفه انه افضل مشهد شفته في في افلام الألفينات عن جد ..

هالفلم للتاريخ !

Notes :

You can only imagine the truth*

Always say the truth, u will never ever lose when you say it*

* مرات نعتقد اننا نعرف الحقيقة كاملة وان كل شي قدامنا واضح بس بالمقابل ما كلفنا نفسنا وتأكدنا من الشيء اللي شفناهحتى بعيوننا وهالشي يسبب لنا مشاكل ولغيرنا ممكن ينهي حياتهم بنظرتنا الخاطئة..فعشان كذا العين مو كل الحقيقة لازم نتأكد ونبحث وراها مهما  كلفنا !

* مو دايمن الخير ينتصر بالنهاية ، هذي نهاية صوروها لنا في افلام الاطفال لكن الواقع شيء غير ..0 مرات نكون اغبياء حد الجنون لدرجة اننا مانعرف مشاعرنا تجاه شخص ما ايش تكون ،نتوقع انها كره وهي بالواقع قمة الحب ! خ نخلي وقت لنفسنا ونعرف مشاعرنا .. وهذا بالضبط اللي صار مع سيسيليا :I don’t know how I could’ve been  so ignorant about myself… so… so stupid.
And you know what I’m talking about, don’t you? You knew before I did

* احيانا يكون الاسف زيادة وجع وزيادة الم للشخص اللي غلطنا عليه وخصوصا لو جا متاخر !

Atonement   هو الفلم الوحيد اللي شفته وانبسط في مشاهد معينه واتحمس وبعدها بشوي اكتشف انو لا ليش انبسط كان لازم اصيح ! وارجع اصيح ! هو الفلم اللي حاول يعطينا امل قد ما كانت النهاية مفاجئة بكلام  Briony الروائية

:So, my sister and Robbie were never able to have the time together they both so longed for and deserved. Which ever since I’ve always felt I prevented. But what sense of hope or satisfaction could a reader derive from an ending like that? So in the book, I wanted to give Robbie and Cecilia what they lost out on in life. I’d like to think this isn’t weakness or evasion but a final act of kindness. I gave them their happiness.

كلامها صابني في مقتل !

:field:

خبروني عن رأيكم بالفلم لو شفتوه / لمن تشوفونه