Children See, Children Do

السلام عليكم ورحمة الله وبركاته.
قبل كم يوم كنت أشوف حلقة من حلقات القادمون :] ( سلسلة تتحرى ظهور المسيح الدجال والامام المهدي وعيسى عليه السلام). في أحد الحلقات لفت نظري فيديو عن تأثير أفعالنا في الأطفال. بحثت عنه وبسرعة لقيته ( المقطع فيه موسيقى – فيه الـ F sign )

انا ما أقول إني تفاجئت لمن شفت المقطع، لا بالعكس كل شيء يكون بالمستقبل هو غالبا نتيجة حتمية للي قاعدين نسويه اليوم، واللي احنا فيه نتيجة حتمية للأجيال اللي قبلنا * إلا من رحم ربي*. احنا دائماً نقول نبي نغير ونبي نغير. وكلنا نعرف إنو التغيير ما يجي بساعة ولا يمكن بسنة ! التغيير اللي نطمح له في مجتمعنا وأمتنا راح يتحقق على مدى سنوات ويمكن أجيال، لكننا نطمح إنو نلاحظ بوادر التغير من بدري، من هالمقطع بالذات ترسخت الفكرة في بالي أكثر من أول، فكرة إنو: عشان تغير لازم تغير من نفسك أول، لازم تغير سلوكياتك مو بس أفكارك لأان تغيير الفكرة أسهل من تغيير السلوك، لو تغيرت وتعدل سلوكك راح تكون غيرت بشكل مباشر على نفسك وبشكل غير مباشر على مجتمعك.. ليه غير مباشر؟ أحد ( ما ) راح يلاحظ تصرفاتك ويعجب فيها بما إنها (صحيحة ان شاء الله ومنطقية) وهالأحد ممكن يقتبس من تصرفك أو بأقل الأحوال بيخزن هالتصرف في باله ويطرحه في أي مجلس نقاش، في هالمجلس أحد ( ما ) راح يطبقه ولو بعد مدة، وهكذا .. برضو : الأطفال من حولنا لازم لازم نحط فيهم جهد كبير واكبر من الجهد اللي على أنفسنا، لأن الطفل (يرى ) و يفعل ( مايراه ) . يشوف أبوه أو اخوه الكبير يتلفظ بألفاظ سيئة ويسوي نفسه! يشوف أبوه يضرب أمه ويضرب اخواته، يشوف اخوه الكبير يسوي تصرفات ويلاحظ من اهله انها عادي وعلى البنت حرام وبالتالي تتخزن في مخه هالفكرة ويطبقها اول ما يكبر. يشوف جارهم يدخن و مروق مع السيقاره ويخطط اذا كبر انه يجربها.. يشوف أمه في الماركت ( تطل ) في عربات التسوق للناس اللي ماتعرفهم، ويسوي زيها. يشوف أخته الكبيرة ترمي علبة العلك ويرمي وراها. يشوف الناس بالشارع وكيف تصرفاتها ويسوي زيهم حتى لو ما كان مقتنع! بس هي الحياة ماشية كذا ( وكل الناس تسوي كذا ).
أطفالنا وما في عقولهم هم نتاج تصرفاتنا ، اطفالنا واللي يفكرون فيه ويتصرفون على اساسه مسؤوليتنا. سواء كانوا اطفالك او اطفال غيرك. لازم نحسن من انفسنا لأقصى درجة حتى نتغير احنا وترجع تتمثل السلوكيات الصح في عيون الصغار، عشان نضمن ممارستها بأفضل شكل في المستقبل. حط في بالك تغييرك مو بس لاطفالك، تغييرك للأطفال الآخرين.. كل هالجيل الجديد مسؤوليتنا لو طلع زينا!! ضروري نتطور فكريا و سلوكيا وما ننتظر يد من برا تغيرنا ! ما ننتظر الحكومة ترفع رواتبنا ، ما ننتظر الحكومة تسن قوانين للتغيير، التغيير سنة الله في الكون لازم نستفيد منها ونوظفها لتغيير دواخلنا. بالتالي راح يتغير المحيط الصغير اللي حولنا، فالأكبر فالأكبر لمن نشوف المجتمع كله بدا عليه التغيير. كلنا نشتكي انو لو ربينا الطفل كويس وزرعنا فيه اشياء كويسة راح يطلع برا للمجتمع وفي المدرسة وفي كل مكان وراح يلاقي تصرفات خاطئة وهالمشكلة ناتجة من إنو ماحد يستشعر انه لمن يتغير بنفسه بيتغير حوله الكثير ! حط في بالك هالمشكلة حلها بيدنا بعد توفيق الله! اعزم على التغيير ودل غيرك، نبههم لنقاط ضعفنا وتأثيرها على أطفالنا، وان تغييره ما يكون في بيته بس وبرا لا ! لأن فيه أحد (برا البيت) راح يقتدي بهالسلوكية الخاطئة. ومتى ما اخلصنا هالنية لوجه الله متأكدة راح يحصل تغيير ومو بسيط!
من الحين نبدا نشيل أي مخلفات في الطريق، من الحين ننبه أي أحد يسقط مخلفاته عمدا أو سهواً، من الحين نسلم من جديد و ( صح ) . من الحين نشتري صحيح بخاري وصحيح مسلم ونعرف كيف كانت اخلاقيات الرسول. من الحين نحسن التعامل مع بناتنا و أولادنا وأمهاتنا وآبائنا، من الحين نربط حياتنا أكثر بالله، من الحين نتخلص من السلوكيات الخطأ، من الحين نبدا نترك أثر إيجابي في هالدنيا حتى بعد ما نموت. راح نموت واحنا خلفنا ورانا جيل ممتاز بنى الأرض ما هدمها، زرع الأرض ما أحرقها! جيل يعرف ما معنى ( خليفة الله في  أرضه ) .ومن الحين نعرف اننا بدينا نغير : )

ما نصنعه اليوم هو ما يصنع المستقبل 🙂