My name is Earl

هذي التدوينة لـ قوسي ( نور )  ، ونزلنا بلوق مشان عيونك

بسم الله الرحمن الرحيم . مساء الأمنيات الجميلة الأسبوع هذا كان زحمة ، شغل و اختبارات و هوم وركات..  أقدر اسميه أسبوع الجامعة وبس أسبوع العلم والعلم فقط .. من الخميس اللي فات لحد اليوم وأنا منشغلة بالدراسة كان عندي اختبارين بيوم واحد ورا بعض والمادتين كلهم دسمين..
و زادت قناعتي بأنو انا من الأشخاص اللي ” الضغط يولد الانجاز ” في حياتهم .. ما أحتس و أتحرك إلا لمن انضغط ، بالمقابل .. العمل على اي شي ، أييييي شي إذا كان محدود بوقت ينعكس على شخصية الإنسان ويخليه متوتر ويبي يخلص اللي قدامه بأي طريقة.. وبنفس الوقت الضمير المختص بالـ ” perfect jobs” يلح ويلح بأنك تخلص شغلك على أتم وجه لكنك انزنقت بالوقت أو بالأصح زنقت نفسك .. رجعت مجدداً لـ to do list عشان أنجز شغلي لأنها هي الوسيلة الوحيدة اللي تربيني على الشغل أول بأول .

×× عندي قناعة منذ الأزل إني ما أتفرج على شي إلا إذا كنت متأكدة مية بالمية إنو راح يضيف لي شي سواء بحياتي – شخصيتي – علاقاتي – ثقافتي – دراستي وهلم جرا و هالقناعة تنطبق على أي فلم سنمائي – وثائقي أو مسلسل تلفزيوني. بالعادة أحب أسجل نوت من اي موفي او سيريز أتابعها فلذلك ألاقي عندي كثير اوراق قديييمة وجديدة.. فيها عبارات مررره حلوة والحين ألاقي ع الجهاز ملفات فيها اقتباسات من أفلام أو ملاحظات دونتها
او استفدتها من الرسالة اللي وصلت لي من الفلم اللي شفته .. طبعا القائمة تطول بالأفلام الرائعة واللي توصل رسائل وقيم ومبادئ بعمره فلم عربي حاول يوصلها ! اليوم بتكلم عن حاجة بطلة ، أتعب أقول بطلة المسلسل اسمه My name is Earl
انتاج 2005 – أول سيزن كان بهالسنة ، والحين وصل للسيزن الثالث تقييم imdb 8.9/10

المسلسل يضم أحداث فكاهية ممزوجة بالفائدة ورسائل سريعة لتحسين حياة كل فرد منا . البطل Earl كان شخص سيء بمعنى الكلمة ، خرب أو ساهم في تخريب حياة أشخاص خرب اشياء – طرق – ممتكلات عامة – سرق – كذب – نهب .. سوا انواع من الجرائم
وطبعا كان ماعنده شغلة بالحياة هو واخوه الا انو يسرقون ” حتى عشان ياكلون “كانت حياته مكركبة – ملخبطة مالها معنى ولا أي قيمة ، كان كل شي سهل يسرق وياكل ، يسرق فلوس ويدفع الإيجار وينام ! ايرل بالمجمل شخص سيئ ، منهمك بعمل أشياء خاطئة جدا هو وأخوه والقروب المتنح اللي معاه :صورة نورة وهي متنحة: في يوم .. كان ناوي يسرق صودا من الماركت، وهو قاعد يحضر وياخذ الصودا عشان يسرقها مر من جمبه واحد اسمه ” بول ” وكان بالجيب الخلفي للبنطلون مبلغ 10 دولار .. شافه earl وقرر انه يسرقه ويشتري فيه الصودا واليانصيب اللي كل مره يسرق ويشتريه ويكشط ولا يطلع له حظ ,, وفعلا سرق العشرة دولار ، والشخص هذا ما انتبه ، راح الشخص “بول” بيحاسب على أشيائه وخذ معاه بطاقة يانصيب
لكن الغريب لمن جا يطلع فلوسه ما لقى العشرة دولار قال لصاحب الماركت بروح اجيب فلوس وأرجع ، بهاللحظة اللي راح فيها بول جا ايرل وحاسب عن الصودا وأخذ بطاقة اليانصيب اللي كان من المفترض ان بول اللي قبله يكون مشتريها بالعشرة دولار اللي سرقها ايرل . وفعلا اشترى بطاقة اليانصيب وكشط وكشط وكشط وربح مبلغ وقدره.. يقدر فيه يغير حياته من فرررحته راح يركض ودخل الشارع العام اللي قدام الماركت وبنففس هالوقت كان فيه سيارة تقودها عجوزه  صدمت ايرل لأنه هو قاعد يركض وبتخبط وهي مسرعه وما قدرت تربط السيارة !
طاح ايرل طبعا ع الأرض وطااارت ورقة اليانصيب اللي كان فيها مبلغ يغير فيه حياته كليا ً ! الهوا ودا الورقة وشالها لمن وصلت لـ ” بول ” اللي هي كانت من الممكن انها تكون له بعد ما اخذ ايرل فلوسه العجوز طبعا من روعتها حركت السيارة وتركت ايرل طايح بدون مساعده اتصلت باختها وحثتها اختها انها ترجع تساعده بدل ما تتورط بمشكلة اكبر ! وفعلا في طريق رجعتها لمساعدته طلع لها ” بول ” بنفس طاقة ايرل وفرحته لمن شاف ورقة اليانصيب الرابحة.. بول نفس الشي طبعا راح يركض من الفرحة وصادف ان العجوز كانت راجعة بالطريق وطلع بوجهها هاللي يركض
وصدمته زي ما صدمت ايرل ! 😐والوروقة باااح ! راحت وتنقلت بين الناس اللي ما انتبه لها واللي كان منشغل بشي غلط يسويه مثل يسرق !
واللي كان يلاحقها لكنه لقا شي اهم منها مثلا ” حب ” وتركها تروح ! واللي واللي واللي لحد مارجعت لإيرل بعد ما طلع من المستشفى ..
فترة المستشفى كانت الفترة الفاصلة بحياة ايرل ، كان يستمع لبرنامج عن البوذية وعن العاقبة الاخلاقية ، طبعا مع التشديد انو البوذية مبدأ وديانة خاطئة جدا ً، لكن الشي الكويس انه اخذ الشي اللي يقدوه للصح وترك الباقي يولي karma أو القدر هو الشي اللي يؤثر بحياتك ، وتقدر تحوله لصالحك وتقدر العكس بعد توفيق ربي طبعا وإذنه ! الحاصل انو مبدأه في الكارما انو أي شي سويته سيء راح يرجع لي بشكل أو بآخر واي شي حسن سويته برضو راح يعطيني تأثير حلووو مره بحياتي بسس المهم انو الشخص مننا يكون عنده ايمان بالشي اللي يسويه! فالكارما ترجع لك اي شي سويته غلط مهما كان صغير أو كبير بصورة شيء بشع بحياتك او فشل او أي شي تتضايق منه ! والعكس صحيح لو سويت شي كويس راح يرجع لك بأي صورة مختلفة بحياتك اليومية يا اما نجاح على اي صعيد او راحة نفسية او او او والقائمة طويلة بالتأكيد وعلى تاثر ايرل بالكلام هذا قرر انه يبعد عن حياته السابقة ويترك كل الاشياء المو الكويسة ، ويبدأ رحلة الأشياء الكويسة جدا اللي راح تعطي تأثير على حياته وتاثير كويس جدا ! فإيش سوا / أعد لستة بالأشياء والجرائم اللي سواها من إلى !! وما ترك ولا حاجة ، وكان حريص جدا انه يرجع يصحح كل شي غلط سواه دامه قادر يصححه مثلا يرجع يبحث عن الشخص بكل الطرق الممكنة لحد ما يلاقيه ويرجع له حقه او يصحح غلطه بأي طريقه ! المهم ان ما يمر يوم الا وهو شاطب شي واحد من اللستة كـ حد أدنى .. وفعلا أول ما يصحح غلط يشطبه من اللستة ويحس باحساس حلو جدا لانه محى “غلط” وكتب “صح” جديد في دفتر حياته وهذا الصح بيعطيه شي حلو مستقبلا بحياته ويمكن حاليا والغلط اللي راح هذا بيبعد ملاحقة الكارما او العاقبة الاخلاقية له ! الحاصل انو كل ما ايرل تقاعس عن عمل او شطب شي من اللستة لاحظ ان الكارما تلاحقه بأي شكل ممكن مثلا مره سرق لاب توب من احد ما يدري مين لمن رجع وشاف اسمه راح دور ع الشخص لقاها دكتورة في جامعة راقية راح لها ع اساس يرجع لها اللاب توب وحكا لها عن قصته اعجبت فيه وبالعمل اللي يسويه وقررت انها تصحبه معاها لاجتماع عمل مهم وراقي جدا كـ مرافق لها في هاللحظة ترك ايرل اللستة على جمب وانشغل بشيئ ثاني فالحاصل من يوم راح معاها  لحد ما طلع وهو متضايق لأن النحل يدور وراه ويلسعه !! فالكارما ماخلته يتهنى لحد ما يصحح اغلاطه اللي اقترفها بنفسه وبالناس الآخرين !! فكان اللي سواه انو رجع لقائمته و حاول يشطب شي سواه من قبل عشان تحل عنه الكارما !! المسلسل قالب كوميدي ومفيد جدددا خصوصا لمن يعلق ايرل نفسه على المواقف وكأنه يكتب مذكراته .. احس كلامه فيه كنوز رهيبة في طريقة تعامل الفرد مع حياته مهما كانت حياته ! فمثلا مره من المرات لمن كان ايرل لسا صغير سرق سيارة ابوه عشان يلعب فيها بسباق المهم انه خسر هالسباق ، والرهان انو اللي يخسر السباق تنوخذ سيارته للشخص الفائز !
فاضطر انه يقول لأبوه اني طيحتها في البحيرة ( على فكرة ابوه كان يكرهه لانه كان شخص يجلب المتاعب ) حاول يصلح هالشي مع ابوه ويرجع السيارة وتعب لمن لقى الشخص ورجع اخذ السيارة منه بالرهان نفسه ، فتسابقوا وفاز ايرل واخذ السيارة ورجعها لأبوه والصدمة كانت انو قاله ابوه هي مو سيارتي لكني اشتريتها عشان لمن يصير عمرك 16 سنة تصير سيارتك ! فهو حزن كثير لانه ما ضيع فرصته مع ابوه بس ولا غلط بحق ابوه بس
غلط بحق نفسه أول شي وضيع على نفسه فرصة امتلاك سيارة في الـ 16 !بالنهاية استسلم وانبسط للشي الحلو اللي سواه وجلس يصلح السيارة مع ابوه بعد خصام بينهم لأكثر من عشر سنوات او 15 سنة .. هالسيارة فتحت له مع ابوه ابواب الحوار وابواب التصالح وعرف شقد ابوه كان يحبه
وهو كيف كان لا مبالي وجالب للمشاكل فقط ، ومنها ابوه سامحه واخذه ايرل في جولة بالسيارة كـ هدية لأبوه .. كان كل اللي يحتاجه مو بس سيارة خاصة ! بس كان يحتاج أبوه وكلامه مع أبوه ! هذا الشي يعلمنا انو اول شي ما نغلط بحق انفسنا ولازم نعوض انفسنا باشياء خسرناهابغباء منا !!
أو اشياء ضيعناها على انفسنا بإرداتنا واستهتارنا !!/ والمسلسل يحوي الكثيييييييييييير الكثيييييييييير ،
المسلسل عن جد عن جد جدير بالمتابعة مو ممل ابدا ، فكاهي بطريقة عفوية جدا ! مافي تصنع مافي صنع للنكتة كل شي طبيعي !والتمثيل مقنع لدرجة كبيرة ! بعد ما شفت المسلسل صارت عندي رغبة انو اعمل لي لستة ادون فيها كل الاشياء المو صح اللي عملتها لحد هاللحظة بحق نفسي – بحق اهلي – بحق اللي احبهم – بحق الناس كلها .. قالت اختي صعبة مررره ترجعين تصححين، فيه اشياء انطوت وما تتعوض قلت لها مايهمني مقدرتي ع التصليح بس ابي اشوف الاشياء الغلط اللي سويتها وبكل شي مو كويس سويته اسوي بداله 2 – 3 اشياء كويسة جدا كـ تعويض عن الغلط !!
وبكذا اقدر شطب شي مو كويس من اللستة عجبتني الفكرة كثير ، و إن شاء الله بسويها .
ps :
لحد يستغرب لو صرت طيبة معاه خخخخخخخخخخخخخخخخ تراني قاعدة ارقع هااااااااع

My notes :
* تعلمنا بالرياضيات و علم المنطق انو الصح ممكن يقود لخطأ . وانو الخطأ  ممكن يقود لصح استنادا على الجداول اللي درسناها وفي جدول الاقتضاء كان من الممكن انو الخطأة يعطيني نتائج صحيحية مثلا مثلا لو كنت تحل مسألة ونقلت احد الارقام المعطاة غلط انت بديت بغلط لكن حساباتك بحد ذاتها صحيحة والنتيجة النهائية استنادا للرقم اللي نقلته غلط صح لكن استنادا للرقم الأصلي غلط بالمجمل انو قدرت تتوصل لشي صح من غلط هذا كلام علمي بحت لكن بالحياة العامة الخطأ برضو ممكن يكون مفتاح الصح الجديد بحياتنا مثل earl سرقته لعشرة دولار كانت سبب تغيره وتمسكه بمبدأ تصحيح حياته وتنظيفها

* مهما كانت حياتنا سيئة أو مشقلبة هناك دائما متسع لتصحيح كل شي ولو حتى فاتت الفرصة نقدر نعوض أنفسنا بأشياء ثانية

* التنازلات مهما جدا بالحياة وخصوصا إذا كان فيه تنازل مقابل شي أكبر أتنازل عن شي أو شخص مقابل أنو أحصل شي أحسن و أفضل ايرل تنازل عن فلوس اليانصيب لصاحبه الأصلي مقابل انه ينظف حياته لان حياته النظيفه هي اللي بتسعده بس

Always have a faith *

– المسلسل بام بي سي 4 الساعة 12 – حاليا احمل السيزن الأول منه حجمه 4 قيقا و واصل عندي 35 بالمية !ويارب يكملسيزن 3 حملت 10 حلقات.

exit :
Your sins will find a way.. to you one day