Road to Perdition

طبعا لمن اتكلم على شيء فيه توم هانكس أقل تقدير راح يكون للموفي هو 6 من عشرة ، والستة هذي كلها ضمنها للفلم توم بسبب ادائه العالي في ادواره وإقناعه للمشاهد بالشخصية اللي يقوم بدورها بدون اي حركات اوفر
وبالضبط بالضبط أفلام توم هانكس من الأفلام اللي أحب اشوفها كم مره وما أمل، وأعتقد كثير زيي ابتداءً من
Forrest Gump
وأدائه اللطيف جدا في Sleepless in Seattle
مرورا بـ :
و You’ve Got Mail و The Green Mile و Road to Perdition  و The Terminal
وانتهاء باجمل اسطورتين في الفن الهوليودي :
Saving Private Ryan و Catch Me If You Can

من شوي حسيت اني ابي بريك من شغلي فقررت اشوف فلم ، بس مو أي فلم.. فلم أكون واثقة إنه حلو ويكون متكامل فنيا تقريبا ، اقصد من ناحية القصة ومن ناحية التمثيل والتصوير واللي هو مهم جدا جدا عندي .. قررت أشوف Road to Perdition مع إنو مو أول مره أشوفه بس كل مره أعيده أكتشف فيه مشاعر خفية بالفلم ما أعرفها الا لمن اشوفها على فترات متباعدة كل مره اشوفه أحسه يوحي لي بحاجة، يمكن ماتكون لها علاقة مباشرة بحياتي ، بس أحس انه سوا لي أثر وقتها..

فلم من انتاج 2002 وكان من أقوى الأفلام سنتها .. فيه دراما بشكل كبير جدا جدا ، فيه اكشن بس من النوع المعقول فيه خوف كبير ، فيه غدر وفيه مشاعر انسانية .. القصة تتمركز حوالين مايك سوليفان، اللي يؤدي دوره توم هانكس ، مايك قاتل محترف جدا يعمل لحساب عصابة شبه مجهولة في اتجاهاتها .. رئيس العصابة احسن لمايك كثير فعشان كذا هو قاعد يحسن في عمله على رغم انه قاتل. أولاده مايعرفون عمله ، يخبي عليهم وما كان يبيهم يعرفون اي حاجة عن عمله لكن زي ما قال له رئيس العصابة مانقدر نحميهم من الحاجات اللي مايقدرون يشوفونها للأبد .. لازم يبين كل شيء في يوم .. وهذي هي قوانين الحياة والطبيعة.. اكتشف ابنه الأكبر حقيقة ابوه وانه مجرد قاتل في عصابة وكان اكتشافه نتيجة تسلله في سيارة ابوه لأنه صار عنده فضول يعرف عمل والده .. شاف والده وهو يشارك في عملية قتل وباحتراف ، تلخبط الولد ، تعب ، انصدم ، فهم كل شيء بلحظة وباللحظة اللي بعدها فقد كل الفهم ..
حس ان كل شيء يتصادم بعقله .. مدري ليه اثر فيني مشهد الولد لمن شاف ابوه من تحت الباب وهو يقتل .. حسيته صدمة، بالضبط لمن ننصدم في اللي نحبهم ومهما كانت صلة قرابتهم لنا .. ابن رئيس العصابة قرر انه يقتل الولد وابوه عشان يتخلصون من المشاكل بما ان الولد صار شاهد على جريمة لايمكن ينساها.. نجح في قتل بيتر ابن مايك الثاني وزوجته لكنه فشل في قتل مايك وابنه الكبير

ترك مايك البيت واخذ ابنه معاه وابتدا رحلة الانتقام والتحرر من هالعصابة، ما احب اقول اكثر عن رحلته للانتقام ، مره بتكون أحسن لو شفتوها وحسيتوها بطريقتكم
بس بعلق على كذا نقطة :

* أتفق تمامًا مع كلام رئيس العصابة / مانقدر نحمي أطفالنا من كل حاجة ، بيجي وقت وبيعرفون كل شيء وساعتها بيلومونا ليه ما علمناهم
مانقدر نغطي عيونهم عن التلفزيون مانقدر نحسن الدنيا في نظرهم وهي اصلا سيئة .. اعتقد انه لازم نكون صريحين اكثر مع صغارنا عشان ما ينصدمون بحاجة
* المشهد اللي قتل فيه مايكل كل افراد العصابة كان مشهد قاتل .. لا من ناحية الشعور والاحساس ولا من ناحية التصوير
قتلهم ببطء وبسرعة المصور بارع والمخرج ابرع .. كان الهدوء مسيطر ع الموقف، هدوء رئيس العصابة ! انتظاره لحتفه .. وكأنه قابله ومبسوط منه من ابنه اللي رباه .. كانت كلها مشاعر تحملك انك تتأثر وبسهولة هالأفلام اللي مافيها صراخ ولا تكفيخ تشدني اتأثر أكثر من اللي يستجدون مني الدمعة.. كان المشهد بسيط مره مره بس كان فيه كمية شعور مو طبيعية . وقت ما مايك رفع المسدس على رئيس العصابة قريت بعيونه وبوجهة الحب والاضطرار يحبه وممنون له بحاجات كثيرة بس مضطر ! كم مره بس سوينا اشياء مضطرين لها واحنا ما نحبها 🙁 يا الله مره كثير ! مره مره كثير .
* بآخر الفلم ، جملة الولد مره آلمتني .. لمن قال انو كل الناس تسألني هل مايك كان كويس او لا ؟ كان يقول انو ارد عليهم بجملة وحدة بس وفي كلا السؤالين كنت اقول : إنه كان ابوي  يااا الله ع الجواب المفحم .

نهايةً: الفلم تحتاج تشوفه وانت رايق، تحتاج تشوفه وانت تحت تأثير مخدر الفن العاليالفن اللي مايحس به إلا قليل .. تحتاج تشوف كل مشهد وكيف تصور وكيف انعمل .. حتى تتصور الكواليس وايش الجمل اللي اخطأوا فيها .. تتصور كل شيء في هالفلم انعمل..
التصوير الفوتوغرافي كان  ر و ع ة عن جد روعة .. التونات والزوايا وديكورات المشاهد والتكوين كانت كلها حاجات بطلة ! شكرا لكاست الفلم وشكرا لتوم هانكس لانه قدم روائع خالدة في سينما هوليود ..