Vintage –

مسائكم أبيض   /
كأي شخص فنان لازم يكون فيه اشياء مزروعة ومتأصلة..
وأولها إنه يكون مطلع على أنواع و أنماط فنية لابأس بها ” عدداً “..
ما أقصده هو أن لايقتصر الفنان معرفيا وثقافيا فقط على مايحب هو ، بل من المفترض أن يكون الفنان مثقفا بطبيعة الحال ،
ويكون على دراية بأنواع الفنان والحري به أن يحترمها حتى وإن لم تحوز على اعجابه<– شعندها عنترة بن شداد  

دائما ، الشخص الفنان هو الشخص اللي يعرف وين يمكن الفن ومو بالضرورة يكون يطالع شي من ستايله
اللي أقصده انو لو انت مثلا مصور لاندسكيب وماتحب البورتريه ضروري تحترم هذا الفن وتعرفه وتعرف انو له أصول وقواعد ،
برضو المصمم المفترض انه يحترم التصوير أو يحترم الكولاج مثلا
لان كلها فنون ولكل شخص ميول فنية فمره مو حلو لمن مايعجبنا شي او ما نشوف فيه شي يستهوينا
نقلل من قيمة هالفن أو نضحك عليه وبالتالي احنا بكذا نكون نقلل من قيمة الناس اللي يحبونه ، 

 إذا كنت فنان فعلا فالاكيد انك راح تعرف وبالفطرة انو الفن مو محصور بمجال معين ولاهو متركز في مجال
كلكل شخص وجة نظرك ومن اصغر الأشياء ممكن نصنع فن ،  لاحظت أول مابديت أعرض الكروت اليدوية أو الكولاجات كثير ناس يضحكون ويقولون “فاضية”
طيب اللي يصمم ع الفوتو مو فاضي مثلا .!
انت تعبر وأنا اعبر واللي يقرا يعبر واللي يكتب يعبر واللي يشخبط يعبر واللي يرقص يعبر ، وكل الناس تعبر .. بس بطريقتها بعدها حسيت انو لازم أعرف الناس بالشي اللي أحبه وأقدمه لها  كـ فن مثله مثل باقي الفنون
حاولت قد ما اقدر إني أترجم و اخلي اللي حولي يقدرون الشي اللي اسويه ،
والحمد لله أحس قدرت ، وبديت اللي سويته في منتدى فنون واستكملته بدورة في مركز غراس عن الكولاج
وساهمت بشي بسيط في تجربتي الوظيفية الصيفية في مكتبة الملك عبد العزيز للطفل ، 

نفس الشي يتكرر لمن أطبق ستايل معين في الصور ، يستغربون الطريقة اللي اعالج فيها صوري مثلامع انها مو شي اختراع  ،
لكن فيه مصورين للأسف حصروا انفسهم بمجال ضيق ويحسبون هذا التصوير وبس
والف مره أقول هالكلام فيه ناس حافظة من النقد بس :التعريض عالي – الكادر ضيق – وهلم جرا

وإن كان الكلام في هالموضوع يطول لكن يتجاوزه

 فـ بالمقابل لمن تحصر الناس نفسها في ستايل واحد
تشوف أي ستايل ثاني غريب عليها أو ” خير وشو هذا ”   فبما اني اعشق أي شي كلاسيكي ويرجعنا لأيام ورا فانا وبجنون أحب ستايل الـ vintage 

 ايش ال vintage :
أصل الكلمة يرجع للستينات والسبعينات لمن كان في موسم معين يسوون خمر من محصول مزارع العنب ،
المهم قضيتنا مو بالخمر بس حلو نعرف كل كلمة وايش تقصد..
فالفنتيح المتعارف عليه هو أي شي يعود لهذي الفترة اللي كانوا يحصدون العنب
في موسمه ويستغلونه في صنع الخمر ، وهي الفترة القديمة اللي أكثر من 25 سنة
طبعا في هذاك الوقت كان للحياة شكل ثاني غير الحياة الحالية في اللبس والألوان والمظهر
مثلا بملابس البنات كانت القبعات سائدة والفساتين اللي فيها خصر وبعدين واسعة من تحت ومليانة نقشات ورود أو زخارف ،
والرجال برضو قبعات و العلاقات حقت البنطلون ما اعرف اسمها الصراحة
كان حتى شكل البيوت مره كلاسك وزخارف ورق الجدران والنقشات المختلفة والستاير المطرزة
وشكل الكنب الكلاسيكي والاكسسورات وحتى الصحون ،
بالأصح هو فترة قديمة اطلق عليها هذا الاسم للسبب اعلاه ،
 

طبعا بهذاك الوقت كانت الكاميرات فلمية فلكم تتخيلون الحين الفنتيج ايش هو بأنكم تتخيلون الصور الفلمية القديمة كيف صايرة  ..
والألوان الباهته اللي تحسسك انك بزمن قديم وان الصورة قديييمة ،

الماضي دايما مرتبط بأشيا ءحلوة يرجعنا لذكريات حتى يمكن ماعشناها
يخلينا نرتبط بأشياء ما عاصرناها ونعيش روحيا مع ناس ما التقينا معاهم جسديا ،
لهالسبب واكثر انا احب الـ vintage .. طبعا الفنتيج ستايل مو مخصص للتصوير وبس ،
لا تصوير وتصميم ورسم وكولاج…
وهذي نماذج من الأعمال مختلفة ( تصوير – كولاج – تصميم رقمي ) : 

  وأشياء لي :

طبعا الفنتيج مو مجرد عمل والسلام ! او مجرد صورة وعليها تكتسشر يعطيها شعور القدم ،
لا هي احساس قبل كل شي والاهم انو يكون فيها اشياء تخلينا فعلا نحس ان الصورة من زمن قديم
او ترجعنا لشي قديم ،يعني ما احلاني وانا مصورة أي بود و جينز لو وست واقول هذا فينتيج ، 

جمعت أشياء ورفعتها ان شاء الله تستفيدون منها والحقوق محفوظة لأصحابها من الديفينت آرت
واسمائهم مكتوبة كأسم للصورة او الملف ، والأغلبية ما ترضى باستخدامها تجاريا   هــنـــا و برضو هنـا و بعد هنــا و آخر شي هــنا أتمنى أفدتكم