yaaay movies..

August Rush

كنت اعتقد انو بعد فلم walk the line ماراح اشوف فلم موسيقي بمقدار روعته ..
ولا كنت اتحمس لام فيلم من هالنوع لأن واك ذا لاين حسسني انه مو أي شي بعده راح يعجبني ..
كنت أشوف بوستر الفلم بس ما ادري ليه ما شدني انزله ، ولا حتى أقرأ عنه سوا انه فلم يعتمد ع الموسيقى في توصيل رسالته
لكن  بتوصية من : متورد .. حملت الفلم ومالقيت وقت اشوفه فيه وأكون راايقة تماما حتى اركز بكل التفاصيل اللي تبقى في الذهن ..
شفته من كم يوم .. وما توقعت بيعجبني قد كذا .. اول ثلاث دقايق من الفلم شي خرااافي من ناحية التصوير-
من ناحية الاحساس – من ناحية الصوتمن ناحية الحوار ..
وأعتقد أي مصور فوتوغرافي راح يشده وبقوووووه مشهد الطفل لمن كان في الحقل وقاعد يسمع الموسيقى ويحسها في حركة السنابل ..
وكيف كان يحركها وكانه يعزف مقطوعة موسيقية غير منقطعه ..وكيف تتحرك وكيف شعوره وهو يحس بحركتها على انها موسيقى ولها معنى ولها مغزى ..
أي انسان عنده احساس هالمشهد بيحرك فيه اشياء كثيييرة .. لدرجة اني عدته اكثر من مره وما شبعت ابد ..
القصة تدور حول شاب موسيقي يملك حس عالي لموسيقاه يحب بنت عندا نفس قوة الحس باختلاف الآلات ..
البنت حملت من غير ما يعرف الولد  ، واللي جبرها ابوها انها تنهي علاقته فيه عشان تركز ع الميوزك و نجاحها فيه
ولدت ومن دون علمها ارسله الأبو لمصلحة اطفال والتبني ، وخبرها ابوها ان الولد ميت ..
لكن طالما هي كانت تحس فيه انه ما مات .. بس محد يساعدها..
الولد ورث هالشي من ابويه وكان يحس الموسيقى في كل شي حوله وكان يؤمن ان ابوه وامه موجودين ..
وان الموسيقى راح تربطه فيهم .. كان ماهر وفنان في العزم على انه طول حياته ما جرب يمسك آلة ..
اعتنى فيه روبن ويليامز لفترة قصيرة واستغله لصالحه عشان يكسب فلوس وسماه اوقست رش ..
دخل اكاديمية راقية لتعليم الموسيقى وتفوق جدا وابهر اساتذته وتوصلوا انهم يخلونه يعزف في كرنفال للربيع
ونفس الكرنفال راح تعزف فيه امه ..
والحكي يطول عن هالفلم الروحي ،
اللي طول الوقت نفسك تبكككي ،بس تحبس دموعك لانك متأكد ان المشهد اللي بعده اجدر بانه ينزل دموعك ..
وبآخر الفلم تبكي مو لأن النهاية حزينة ، تبكي لأان الأشياء الحلوة والظروف الجميلة أفسدتها الظروف السيئة
ولأان قوة الأحساس بالشئ يخليه يحدث فعلا .. وإن اللي عنده إيمان وحس بالأشياء البسيطة اللي حوله
راح يكون في النهاية ok
The music is all around you, all you have to do is listen
هالشي مو بس ع الميوزك .. هالشيء على كل شي نحبه ونؤمن فيه لكن ما لقينا فرصة اننا نستخدمه او نتعامل معاه او نتواصل معاه لو كان شخص ..
كل الاشياء اللي نحبها حولنا ، بس نحتاج نحسها بطريقة ثانيةغير الـ traditional way 
27 dresses

ذكرني جوه بـ ذا ديفيل ويرز برادا !وبعدين قريت انه نفس الكاتب أصلا ..الفلم انتاج 2008 –
من بطولة :Katherine Heigl, James Marsdenاممم الفلم حليو ،
ينفع للي موده رايق ، ويبي يتفرج شي مو مره واووبنفس الوقت شي فيه حركات حلوة ..
اممم بس شخصيا لو قالي احد ايش اشوف موفي؟ ماراح ارشح له ياه ..
البوينت اللي بيوصله الفلم انو لاتضيع حياتك دايمن في الاهتمام بالآخرينخلي وقت لنفسك واهتم بنفسك و بحياتك بالمرتبة الأولى ..
وان الانسان احسن يكون على طبيعته وما يتصنع عشان يحصل على شيء معين ..
امممم ماهي بوينت جديدة ، ولا شي خرافي ، كل شي بالفلم كان عادي ..ماعدا جيمس
damn you James! Stop being charming
واللي أعتقد ان عنده ادااء رائع أفضل من انه يضيعه بـ فلم زي كذا ..
هممم في نقطة عجبتني بالفلم انو مو دايمن الاشخاص اللي نحبهم يكونون مناسبين لنا فعلا !
او بالأحرى مو دايمن اللي ” نتصور ” اننا نحبهم حياتنا وسعادتنا مرهونة فيهماكيييد فيه احد مناسب تماما
لكن ما جابته الأيام لسا ..وممكن يجيك بطريقة تعيسة جدا وممكن يسبب لك الم ،
بس هالألم هو الطريقة اللي خلتك تعرف وين راح تعيش حياتك سعيد ..